ដំណឹងល្អ! ប្រជាពលរដ្ឋធ្លាប់បាត់ម៉ូតូ អាចទាក់ទងទៅសាលាខណ្ឌទាំង១២បាន
- 2017-08-16 06:35:36
- ចំនួនមតិ 0 | ចំនួនចែករំលែក 0
ដំណឹងល្អ! ប្រជាពលរដ្ឋធ្លាប់បាត់ម៉ូតូ អាចទាក់ទងទៅសាលាខណ្ឌទាំង១២បាន
ចន្លោះមិនឃើញ
កាលពីព្រឹកថ្ងៃទី ១៦ ខែសីហា ឆ្នាំ២០១៧នេះ គណៈបញ្ជាការឯកភាពរដ្ឋបាលខណ្ឌសែនសុខ និងខណ្ឌទួលគោក ចាប់ផ្ដើមចុះឆែកទីតាំងកុងស៊ីបញ្ចាំខុសច្បាប់ហើយ។ ដូច្នេះប្រជាពលរដ្ឋធ្លាប់បាត់ម៉ូតូអាចទៅសាលាខណ្ឌបាន ដើម្បីស្វែងរកត្រឡប់មកវិញ។ ដោយឡែកខណ្ឌផ្សេងទៀតនឹងត្រូវចុះឆែកជាបន្តបន្ទាប់ទៀត។
គួរជម្រាបជូនថា ឯកឧត្ដម ឃួង ស្រេង អភិបាលរាជធានីភ្នំពេញ បានបើកកិច្ចប្រជុំគណៈបញ្ជាការឯកភាពរាជធានីភ្នំពេញ កាលពីថ្ងៃទី៨ សីហា ឆ្នាំ២០១៧ ដើម្បីធ្វើការចុះត្រួតពិនិត្យទៅលើទីតាំងកុងស៊ីបញ្ចាំខុសច្បាប់ឲ្យបិទទ្វារ។ ឯកឧត្ដមលើកឡើងថា ដោយសារតែមានទីតាំងបញ្ចាំច្រើនពេក ទើបក្រុម ចោរលួច ចោរ ប្លន់ មិនខ្លាចនឹងធ្វើសកម្មភាពព្រោះម្ចាស់កុងស៊ីបញ្ចាំ មិនបាច់តម្រូវឲ្យមានឯកសារបញ្ជាក់ម្ចាស់ទ្រព្យ និងអាចនិយាយបានថា កុងស៊ីបញ្ចាំខ្លះរកស៊ីទិញផលពី ចោរកម្ម ។
ឯកឧត្ដម បានបញ្ជាក់ថា ចំពោះកុងស៊ីបញ្ចាំដែលគ្មានច្បាប់ អាជ្ញាធរខណ្ឌត្រូវណែនាំឲ្យម្ចាស់ទីតាំងនោះបញ្ឈប់ ឬបិទកុងស៊ីបញ្ចាំហើយសុំច្បាប់ជាថ្មី ។ ក្នុងករណីម្ចាស់ទីតាំងមិនអនុវត្តតាម អាជ្ញាធរត្រូវមានវិធានការរដ្ឋបាលបិទទីតាំងនោះតែម្តង ។ យ៉ាងណាមិ ញប្រជាពលរដ្ឋក៏រង់ចាំមើលថា លិទ្ធផលវាទៅជាយ៉ាងណា ៕