Insight Tech នឹងតម្រង់ទិសលើ មុខវិជ្ជាបច្ចេកវិទ្យាសម្រាប់សិស្ស វិទ្យាល័យ

2017-08-16 09:02:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិកប្រចាំកម្ពុជា និងយុវជនស្ម័គ្រចិត្តនឹងរៀបចំ សិក្ខាសាលា Insight Tech ប្រព្រឹត្តិឡើងនាថ្ងៃទី ២៦ សីហា ចាប់ពីម៉ោង ៨ព្រឹក រហូតដល់ ម៉ោង១២ថ្ងៃត្រង់ ខាងមុខនេះ នៅមជ្ឈមណ្ឌលសហប្រតិបត្តិការកម្ពុជាជា-ជប៉ុន CJCC ដែលមានទីតាំងនៅក្នុងវិទ្យាស្ថានវិទ្យាស្ថានភាសាបរទេស។

Insight Tech ជាសិក្ខាសាលាទាក់ទងនឹងអាជីពការងារក្នុងវិស័យបច្ចេកវិទ្យា ដើម្បីឲ្យយុវជនខ្មែរបានយល់កាន់តែច្បាស់ពីបច្ចេកវិទ្យា រួមនឹងបង្ហាញពួកគេ ពីការរីកចម្រើននៃបច្ចេកវិទ្យា និងចំណេះដឹងដ៏សំខាន់ជាច្រើនសម្រាប់អនុវត្តប្រចាំថ្ងៃ។

មិនតែប៉ុណ្ណោះ វាគ្មិនបួនវិស័យសំខាន់ៗក្នុងបច្ចេកវិទ្យា នឹងរួមមានការបង្កើតវិបសាយ (Web Development) ការបង្កើតល្បែងកម្សាន្ត ឬកម្មវិធីក្នុងទូរសព្ទដៃចល័ត (Mobile Game/AppDevelopment) វិស្វកម្មបណ្ដាញទំនាក់ទំនង (Network Development) និង ការបង្កើតកម្មវិធី (Programming) សម្រាប់ សិស្សានុសិស្សក្នុងកម្រិតវិទ្យាល័យ និងនិស្សិតឆ្នាំទី ១ ជួយតម្រង់ទិស និងការសម្រេចចិត្ត លើមុខវិជ្ជា ច្បាស់លាស់។

លោក ជា សាន អ្នករៀបចំសិក្ខាសាលា Insight Tech បានរៀបរាប់ថា៖ «ជាទូទៅអ្វីដែលខ្ញុំឃើញគឺ IT វាផ្ដល់ឱកាសឱ្យយើងច្រើនក្នុងផ្នែកបច្ចេកវិទ្យា ព្រោះឥលូវវាជាយុគសម័យនៃព័ត៌មាន ទាក់ទងនឹងបច្ចេកវិទ្យា បានន័យថាអ្នកណាដែលចេះបច្ចេកវិទ្យាគឺគាត់មានប្រៀប ដូចកាលសម័យដើមចេះអង់គ្លេសអីចឹង!"។

លោកបន្តថា៖ "បើយើងចេះជំនាញបច្ចេកវិទ្យាហើយយើងចេះភាសាអង់គ្លេសតិចតួចទៀត ឱកាសដែលយើងក្នុងការរកការងារបាន គឺមានច្រើន។ មិនថាយើងធ្វើការនៅផ្នែកណាទេ យើងសុទ្ធតែអាចមានឱកាសរកការងារ ឬពង្រឹងអាជីពការងារខ្លួនឱ្យកាន់តែប្រសើរ"។

ព័ត៏មានបន្ថែម និងការចុះឈ្មោះចូលរួមសិក្ខាសាលា លោកអ្នកអាចចុច Link ខាងក្រោម៖

Facebook Insight Tech

ដៃគូសហការ