ដឹងអត់ តារាកូនកាត់ចិន អេឡិច ច័ន្ទត្រា រកចំណូលមួយខែៗបានប៉ុន្មាន?

2017-08-17 06:35:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អេឡិច ច័ន្ទត្រា បានប្រាប់ Sabay ថា ប្រាក់ចំណូលដែលបានមកពីសិល្បៈនាពេលបច្ចុប្បន្ននេះនៅខែខ្លះអាចលើសពី១ម៉ឺនដុល្លារមិនទៀងទាត់នោះទេ។

កំលោះសង្ហាកូនកាត់ចិនរូបនេះបន្តថា សម្រាប់ខែដែលលោកទទួលបានប្រាក់ចំណូលខ្ទង់ម៉ឺនគឺក្នុងអំឡុងខែ ១១ និង១២ ព្រោះក្នុងរដូវកាលហ្នឹងមានកម្មវិធីច្រើនដូចជា រៀបអាពាហ៍ពិពាហ៍ ខួបកំណើត ថតស្ប៉ត កម្មវិធីតូចធំមួយចំនួននៅតាមខេត្ត និងរាជធានីភ្នំពេញ ព្រមទាំងឡើងកម្មវិធីមួយចំនួននៅប៉ុស្តិ៍ទូរទស្សន៍។ចំណែកខែខ្លះបានត្រឹមតែខ្ទង់ពាន់ដុល្លារតែប៉ុណ្ណោះ។

“បាទសម្រាប់ចំណូលដែលបានមកពីសិល្បៈសព្វថ្ងៃហ្នឹងខែដែលអត់សូវមានកម្មវិធី ខ្ញុំរកបានចន្លោះពី ៣ ពាន់ដុល្លារទៅ ៤ពាន់ដុល្លារ។ តែខែខ្លះមានកម្មវិធីច្រើនខ្ញុំទទួលបានចាប់ពី ៦ពាន់ដុល្លារទៅ ១ ម៉ឺនដុល្លារ។ តែបើមានស្ប៉តធំៗ១ ឬ ២ កុងត្រារយៈពេល១ ឆ្នាំអាចឈានទៅដល់ ២ម៉ឺនដុល្លារក៏មានដែរទៅតាមស្ប៉តដែលយើងថត"។ អេឡិច ច័ន្ទត្រា បញ្ជាក់៕

អត្ថបទ៖ ឆុង ស៊ីណាន