រន្ធត់! តារាស្រីថៃ ៦នាក់នេះ ស្ទើរបាត់បង់ជីវិតក្នុងឧប្បត្តិហេតុដ៏សាហាវ

2017-08-19 06:31:32
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះអាចនិយាយបានថា គឺជាសំណាងមួយ ក្នុងមួយពាន់គ្រោះថ្នាក់ ដែលតារាស្រីថៃ ៦នាក់ ដែលមានវត្តមានក្នុងអត្ថបទថ្ងៃនេះ ធ្លាប់ជួបប្រទះ។ ពួកគេស្ទើរតែស្លាប់ទៅហើយ ក្រោយជួបគ្រោះថ្នាក់ ឧប្បត្តិហេតុដ៏រន្ធត់ តែជាសំណាងបំផុត ដែលតារាទាំងនោះអាចនៅរស់រានមានជីវិតរហូតដល់សព្វថ្ងៃ៕

១. តារាសម្ដែង Tangmo Nida

នាងបានជួបហេតុការណ៍គ្រោះថ្នាក់ចរាចរណ៍មួយ កាលពីថ្ងៃទី ០៦ ខែមេសា ឆ្នាំ ២០១៧។ រថយន្តរបស់នាង បានក្រឡាប់ រហូតធ្វើឲ្យនាងរមៀលធ្លាក់មកលើផ្លូវ។ មូលហេតុដែលនាំឲ្យកើតមានគ្រោះថ្នាក់បែបនេះ គឺដោយសារ នាងបើកបរទាំងងងុយដេក។ ពេលនោះ Tangmo បានសម្រាកព្យាបាលរយៈជាង ៣ខែ។

២. តារាសម្ដែង Margie Rasri

រីឯតារាសម្ដែងរូបនេះវិញ បានទទួលរងគ្រោះថ្នាក់ចរាចរណ៍ យ៉ាងដំណំដែរ កាលពីថ្ងៃទី ២៩ ខែកញ្ញា ឆ្នាំ២០០៩។ ហេតុការណ៍នេះ បានធ្វើឲ្យ Margie រងរបួសត្រង់ជង្គង់យ៉ាងធ្ងន់ធ្ងរ។

៣. តារាសម្ដែង Bella Ranee

កាលពីថ្ងៃទី ២០ ខែសីហា ឆ្នាំ ២០១៣ Bella ត្រូវបញ្ជូនទៅមន្ទីរពេទ្យសង្គ្រោះបន្ទាន់ ក្រោយជួបគ្រោះថ្នាក់ចរាចរណ៍។ គ្រោះថ្នាក់ចៃដន្យនេះ កើតឡើងដោយសារពេលនោះមានឆ្កែមួយក្បាលរត់កាត់មុខឡាន ជាហេតុនាំឲ្យអ្នកបើកបររបស់នាងត្រូវហ្រ្វាំង ឈប់ភ្លាមៗ។ Bella ដែលពេលនោះអង្គុយនៅបាំងក្រោយ បានបោកខ្លួនទៅនឹង តួរថយន្តមួយទំហឹង។ ដើម្បីព្យាបាលរបួស តារាស្រូរូបនេះ បានស្នាក់នៅមន្ទីរពេទ្យជាង ១ខែ។

៤. តារាសម្ដែង Ice Preechaya

រំឭកទៅថ្ងៃទី ១៤ ខែធ្នូ ឆ្នាំ២០១៣ ឡានរបស់តារាសម្ដែងរូបនេះបានទៅបុកជាមួយឡានដឹកទំនិញដ៏ធំ។ ខណៈនោះដែរ បើតាមព័ត៌មានបានរាយការណ៍ថា Ice មិនបានពាក់ខ្សែក្រវាត់ការពារសុវត្ថិភាពទេ ជាហេតុនាំឲ្យ នាងមានគ្រោះថ្នាក់ រងរបួសធ្ងន់លើមុខ និងខ្លួនយ៉ាងដំណំ។

៥. តារាសម្ដែង Amy Amelia

ដោយឡែកចំពោះ Amy វិញ បានជិះឡានទៅបុកបង្គោលភ្លើងតាមដងផ្លូវ ជាហេតុធ្វើឲ្យរាងកាយរបស់នាងទាំងមូលរងរបួសធ្ងន់។ នាងប៊ិះនឹងស្លាប់ទៅហើយនាពេលនោះ តែសំណាងល្អទទួលការសង្គ្រោះទាន់ពេលវេលា ហើយរយៈពេលនៃការព្យាបាលគឺរហូតទៅដល់ ២ឆ្នាំឯណោះ។

៦. តារាសម្ដែង Oranate D. Caballes

ចំពោះ តារាស្រី Oranate វិញ មិនបានជួបហេតុការណ៍គ្រោះថ្នាក់ចរាចរណ៍ទេ ប៉ុន្តែនាងបានជួបឧប្បត្តិហេតុធ្ងន់ធ្ងរមួយដែរ កាលពីថ្ងៃទី ០២ ខែ មករា ឆ្នាំ ២០១៦ ដោយសារជិះកង់ធ្លាក់ពីលើភ្នំ៕

ចុចអាន៖

អត្ថបទ៖ យី សុធារី