ស្រ្តីវ័យក្មេងរួចផុតជីវិតការវាយប្រហារផ្ទួនៗគ្នាពីភេវរករនៅទីក្រុង បាសេឡូណា ប៉ារីស និង ទីក្រុងឡុងដ៍
- 2017-08-19 09:00:09
- ចំនួនមតិ 0 | ចំនួនចែករំលែក 0
ស្រ្តីវ័យក្មេងរួចផុតជីវិតការវាយប្រហារផ្ទួនៗគ្នាពីភេវរករនៅទីក្រុង បាសេឡូណា ប៉ារីស និង ទីក្រុងឡុងដ៍
ចន្លោះមិនឃើញ
ស្ត្រីជនជាតិអូស្ត្រាលីម្នាក់ ដែលបានភៀសខ្លួនចេញពីការភ័យខ្លាចពីការវាយប្រហារ ពីក្រុមភេរវកម្មនៅទីក្រុង Barcelona បានរៀបរាប់រាប់ថា នាងបានគេចផុតពីឧបទ្ទវហេតុភេរវកម្ម២លើកផ្សេងទៀតនៅទីក្រុងប៉ារីស និង ទីក្រុងឡុងដ៍ ក្នុងអំឡុងពេលធ្វើដំណើររបស់នាងមកអឺរ៉ុប។ នេះបើតាមការចេញផ្សាយរបស់ Channel News Asia នៅថ្ងៃសៅរ៍នេះ។
Julia Monaco វ័យ២៦ឆ្នាំបានរំលឹកទៅដល់ថ្ងៃកើតហេតុថា នាងនិងមិត្តភ័ក្ដិកំពុងស្ថិតនៅក្នុងហាងលក់ទំនិញមួយ ខណៈពេលឃើញហ្វូងមនុស្សបានរត់ប្រសាចគេចចេញពីការដេញបុករះនៅលើមហាវិថីដ៏មមាញឹកមួយឈ្មោះថា Las Ramblas នៅរសៀលថ្ងៃព្រហស្បតិ៍ ក្នុងទីក្រុងបាសេឡូណា។
“១នាទីដំបូងគ្មានអីកើតឡើងនោះទេ តែបន្តិចក្រោយមកស្រាប់តែផ្ទុះសម្រែកឡើង។ គ្រប់គ្នាចាប់ផ្តើមស្រែកឆោឡោ មនុស្សរត់ប្រសេចប្រសាច ហើយគេស្រែកប្រាប់ថា ចេញឲ្យឆ្ងាយពីបង្អួចកញ្ចក់"។ Monaco បាននិយាយ។
នាងនិងមិត្តភ័ក្ដិបានក្រាបចុះនៅទីនោះ ដោយមិនបានដឹងថាមានអ្វីបានកើតឡើងទៀតទេ គឺរហូតដល់ស្ថានភាពស្ងប់ស្ងាត់ ហើយពួកគេបានត្រលប់ទៅផ្ទះសំណាក់វិញ។
នេះជាលើកទី៣ហើយ ដែលស្ត្រីវ័យក្មេងជនជាតិអូស្ត្រាលីរូបនេះរងការវាយប្រហារដោយអំពើ ភេរវកម្ម ក្នុងអំឡុងធ្វើដំណើរជុំវិញអឺរ៉ុបនារដូវក្ដៅនេះ។ នាងបាននិយាយថា នាងបានជាប់នៅនឹងបំពង់បង្កាន់ដៃស្ពាន ក្នុងអំឡុងការវាយប្រហារ ដោយបើកឡានបុករះ និង កាប់សម្លាប់ដោយកាំបិតដ៏សាហារនៅលើស្ពានទីក្រុងឡុងដ៏ កាលពីដើមខែមិថុនា ដែលបានបណ្ដាលឱ្យមនុស្ស ៨ នាក់ស្លាប់។
៣ថ្ងៃក្រោយមកនាងមានវត្តមានម្ដងទៀត នៅក្នុងការវាយប្រហារនាទីក្រុងប៉ារីស ដោយនិស្សិតពេទ្យ ដែលជាប់ពាក់ព័ន្ធនឹងក្រុម IS ដែលបានសម្លាប់ប៉ូលិសម្នាក់។
នាងនិយាយថា នាងមិនទាន់ចង់ត្រលប់ទៅផ្ទះវិញទេ។ ឧបទ្ទវហេតុទាំងនេះមិនអាចបញ្ឈប់នាង ពីបំណងធ្វើដំណើរជុំវិញពិភពលោកបានឡើយ៕ ប្រភព៖ Channel News Asia: http://www.channelnewsasia.com/news/asiapacific/australian-caught-up-in-barcelona--paris--london-attacks-9137308