PSG អាចចំណាយជាង ២០០លានដុល្លារ នាំយកកីឡាករម្នាក់ទៀតមករួមក្រុម
- 2017-08-20 02:59:19
- ចំនួនមតិ 0 | ចំនួនចែករំលែក 0
PSG អាចចំណាយជាង ២០០លានដុល្លារ នាំយកកីឡាករម្នាក់ទៀតមករួមក្រុម
ចន្លោះមិនឃើញ
ក្លឹបអ្នកមានលុយ PSG ជិតឈានដល់កិច្ចព្រមព្រៀងចុះកុងត្រានាំយកកីឡាករ Kylian Mbappe ពីក្លឹប Monaco ក្នុងតម្លៃ ១៨៣លានផោន(២៣៤លានដុល្លារ)។ នេះបើតាមពាក្យចចាមអារ៉ាមដែលចុះផ្សាយព្រោងព្រាតលើសារព័ត៌មាននានា។
ក្លឹប Arsenal, Liverpool, Man Utd និង Chelsea សុទ្ធតែមានចំណាប់អារម្មណ៍លើកីឡាករបារាំងវ័យក្មេង Kylian Mbappe ស្របពេល Real Madrid និង PSG ក៏សង្ឃឹមថានឹងទទួលបានកិច្ចព្រមព្រៀងពី Mbappe ផងដែរ។ យ៉ាងណាក្ដី ចចាមអារ៉ាមចុងក្រោយដែលចុះផ្សាយលើកាសែត Mundo Deportivo បានបង្ហាញថា PSG ជិតប្រកាសព័ត៌មានពីការនាំយកកីឡាករវ័យក្មេងរូបនេះហើយ។
ប្រសិនបើ PSG ចំណាយ ១៨៣លានផោនលើ Kylian Mbappe មែននោះ នឹងធ្វើឲ្យកីឡាករវ័យ ១៩ឆ្នាំរូបនេះក្លាយជាកីឡាករលំដាប់ទី២ ដែលមានតម្លៃខ្លួនថ្លៃបំផុតក្នុងប្រវត្តិសាស្ត្របាល់ទាត់បន្ទាប់ពីក្លឹបរបស់ព្រះចៅកាតាចុះហត្ថលេខាជាមួយកីឡាករ Neymar ក្នុងតម្លៃខ្លួន ២២២លានអឺរ៉ូកាលពីពេលថ្មីៗនេះ៕