ច្បាស់ការហើយ! ខេមរៈ សិរីមន្ត បញ្ជាក់មូលហេតុដើរចេញពី សាន់ដេ

2017-08-20 03:20:25
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀង ខេមរៈ សិរីមន្ត បានបង្ហាញខ្លួនយ៉ាងភ្ញាក់ផ្អើលនៅក្នុងផលិតកម្ម ហង្សមាស ធ្វើឲ្យអ្នកគាំទ្រជាច្រើនចង់ដឹងមូលហេតុនៃការចាកចេញពីផលិតកម្មចាស់របស់លោកជាខ្លាំង។

ម្ចាស់បទ "ស្ទឹងសែនបងអើយ" បានប្រាប់មក Sabay ថាលោកបានចាកចេញពីផលិតកម្ម សាន់ដេ មួយរយៈហើយ ចំណែកឯផលិតកម្ម ហង្សមាស លោកចូលបានប្រមាណជា១ខែដែរហើយគ្រាន់តែក្រុមហ៊ុនមិនទាន់ចង់បញ្ចេញ ទុកឲ្យអ្នកគាំទ្រភ្ញាក់ផ្អើលសិន។

“ហេតុផលពីក្រោយនោះគឺ កុងត្រា ខ្ញុំនិង សាន់ដេ បានបញ្ចប់ទៅហើយ អ៊ីចឹងហើយទើបខ្ញុំសម្រេចចិត្តចាកចេញតែម្ដង"។ កំពូលតារាចម្រៀងបន្ថែម។

ចុចអាន៖

សមិទ្ធផលធំៗ៣ដ៏អស្ចារ្យរបស់ ខេមរៈ សិរីមន្ត នៅផលិតកម្ម សាន់ដេ

ខេមរៈ ស្រីពៅ ចូលផលិតកម្មហង្សមាស

ខេមរៈ ភារុណ និង ខេមរៈ សិរីមន្ត

សម្រាប់ពាក្យចចាមអារ៉ាមដែលលេចឮថាលោកអន់ចិត្តឬអ្វីផ្សេងទៀតនោះលោកសុំមិននិយាយឬបកស្រាយអ្វីទាំង ព្រោះដែលសំខាន់គឺកុងត្រារបស់លោកបានបញ្ចប់ជាមួយផលិតកម្ម សាន់ដេ ហើយលោកក៏បាននៅទីនោះអស់រយៈពេល៩ឆ្នាំហើយដែរ។

ពេលនេះលោកនិងបងប្រុស ខេមរៈ ភារុណ គឺកំពុងតែជ្រកក្រោមផលិតកម្ម ហង្សមាស ចំណែកឯប្អូនស្រី ខេមរៈ ស្រីពៅ វិញម្ចាស់បទ "ប្រាំពាន់ដុល្លារ" បញ្ជាក់ថាមិនទាន់មានគម្រោងវិលចូលសិល្បៈវិញនោះទេ ដោយចង់ទុកពេលមើលថែសុខភាពឲ្យបានរឹងមាំសិន៕

អត្ថបទ៖ Samedy