ចាប់ពីឆ្នាំ២០១៩ កម្មករនឹងទទួលបានប្រាក់ចូលនិវត្តន៍ ដូចមន្ត្រីរាជការ
- 2017-08-20 04:24:23
- ចំនួនមតិ 0 | ចំនួនចែករំលែក 0
ចាប់ពីឆ្នាំ២០១៩ កម្មករនឹងទទួលបានប្រាក់ចូលនិវត្តន៍ ដូចមន្ត្រីរាជការ
ចន្លោះមិនឃើញ
ជាដំណឹងពិសេសថ្មីមួយទៀត សម្រាប់កម្មករ-កម្មការិនីទាំងអស់ ដោយសម្ដេចតេជោ ហ៊ុន សែន បានប្រកាសព្រឹកមិញនេះថា ពួកគេនឹងទទួលបានប្រាក់ចូលនិវត្ត ដូចគ្នានឹងមន្ត្រីរាជការ ដោយមិនចាំបាច់ធ្វើការក្របខ័ណ្ឌរដ្ឋឡើយ។
សម្ដេចតេជោ ហ៊ុន សែន បានមានប្រសាសន៍ថា៖ "ចាប់ពីឆ្នាំ ២០១៩ទៅ ក្មួយៗកម្មករនឹងទទួលបានប្រាក់ចូលនិវត្តន៍ (ប្រាក់រឺត្រែត) ដូចគ្នានឹងមន្ត្រីរាជការ គឺមិនចាំបាច់ធ្វើការមានក្របខ័ណ្ឌដូចមន្រ្តីរាជការទេ។ សូមក្មួយៗយកចិត្តទុកដាក់ធ្វើការអោយបានល្អ។"
ការប្រកាសនេះ ធ្វើឡើងដោយសម្ដេចតេជោ ហ៊ុន សែន ក្នុងពិធីសំណេះសំណាលជាមួយកម្មករ-កម្មការិនី ៤២៧០នាក់នៅមជ្ឈមណ្ឌលកោះពេជ្រព្រឹកមិញ។ យ៉ាងណាក្ដី ទំហំនៃប្រាក់ចូលនិវត្តន៍ និងលក្ខខណ្ឌដើម្បីទទួលបានបែបណានោះ នៅមិនទាន់មានការបញ្ជាក់ច្បាស់នៅឡើយ ដោយស្ថិតនៅក្នុងការរៀបចំនៅឡើយ។
ចំណែកដំណឹងល្អមួយផ្សេងទៀត គឺចាប់ពីខែ មករា ឆ្នាំ២០១៨ ទៅ និយោជក( ម្ចាស់ក្រុមហ៊ុន) នឹងទទួលខុសត្រូវបង់ថ្លៃសេវាគាំពារធានាសុខភាពកម្មករ ១០០%។ កម្មករ-កម្មការិនីនឹងបានសន្សំប្រាក់យ៉ាងតិចពី ៨០០០៛- ១២០០០៛ ក្នុង១ខែ៕