កីឡាករបានកាតលឿងនិងក្រហមព្រោងព្រាត ពេល Man City ស្មើ Everton
- 2017-08-22 01:57:57
- ចំនួនមតិ 0 | ចំនួនចែករំលែក 0
កីឡាករបានកាតលឿងនិងក្រហមព្រោងព្រាត ពេល Man City ស្មើ Everton
ចន្លោះមិនឃើញ
ក្រុមមេឃខៀវ Manchester City បានត្រឹមស្មើក្នុងដីខ្លួនឯងជាមួយក្រុម Everton ១-១ ក្នុងការប្រកួត Premier League សប្ដាហ៍ទី២ កាលពីយប់មិញ។
ក្នុងការប្រកួតដ៏ជក់ចិត្តនោះ មានកីឡាករ២នាក់ទទួលបានកាតក្រហមនិងមួយចំនួនទៀតបានកាតលឿង។ Wayne Rooney ជាអ្នកបើកឆាកឲ្យក្រុមភ្ញៀវនាំមុខនៅនាទី៣៥ មុនពេល Kyle Walker ទទួលបានកាតលឿង២ដងត្រូវបណ្ដេញចេញនៅចុងវគ្គទី១នាទី៤៤។
ឈានដល់វគ្គទី២ ការប្រកួតអូសបន្លាយដល់នាទី៨២ ទើប Raheem Sterling របស់ Man City រកគ្រាប់បាល់តាមស្មើ ហើយនៅ៦នាទីបន្ទាប់ Morgan Schneiderlin របស់ Everton ក៏ទទួលកាតលឿងទី២ស្មើនឹងកាតក្រហម ត្រូវបណ្ដេញចេញដូច Kyle Walker។ ចំពោះកីឡាករផ្សេងដែលទទួលបានកាតលឿង ខាង Everton មានដូចជា Tom Davies និង Rooney ឯ ខាង Man City មាន Kompany។ ការប្រកួតនេះក៏មានវត្តមានលោក Jose Mourinho ទៅទស្សនាផងដែរ៕