យុវជនកម្ពុជា៧រូប ទៅប្រកួតពានរង្វាន់បាល់ទាត់ពិភពលោកជនអនាថា
- 2017-08-22 09:48:55
- ចំនួនមតិ 0 | ចំនួនចែករំលែក 0
យុវជនកម្ពុជា៧រូប ទៅប្រកួតពានរង្វាន់បាល់ទាត់ពិភពលោកជនអនាថា
ចន្លោះមិនឃើញ
យុវជនតំណាងឲ្យកម្ពុជាចំនួន៧រូប នឹងទៅចូលរួមប្រកួតពានរង្វាន់បាល់ទាត់ពិភពលោកជនអនាថានៅប្រទេស ន័រវែស នាចុងសប្ដាហ៍នេះ ដែលមានការរៀបចំដោយអង្គការបាល់ទាត់រីករាយកម្ពុជាអូស្ត្រាលី ( HFGA) ។
ក្នុងសន្និសីទកាសែតកាលពីព្រឹកមិញនេះលោក Paraic Grogan ស្ថាបនិករបស់អង្គការបាល់ទាត់រីករាយកម្ពុជាអូស្ត្រាលីបានឲ្យដឹងថា នេះជាលើកទី១០ ហើយដែលអង្គការរៀបចំបញ្ជូនកីឡាករកម្ពុជាទៅចូលរួមប្រកួតព្រឹត្តិការណ៍ដ៏ធំមួយនេះ។ លោកសង្ឃឹមឆ្នាំនេះយុវជនកម្ពុជា នឹងនាំយកស្នាដៃល្អជូនជាតិ។
ជាមួយគ្នានេះ លោក Scott Neeson ស្ថាបនិកអង្គការមូលនិធិកុមារកម្ពុជាបានលើកឡើងថា ពានរង្វាន់បាល់ទាត់ពិភពលោកជនអនាថា គឺជាឱកាសពិសេសសម្រាប់យុវជនកម្ពុជាបោះជំហានឆ្ពោះទៅមុខ ដើម្បីចូលរួមចំណែកអភិវឌ្ឍន៍វិស័យបាល់ទាត់។ យុវជនដែលទៅចូលរួមប្រកួតបាល់ទាត់តំណាងឲ្យកម្ពុជាទាំងនេះមិនអាចសិក្សាទៅដល់ថ្នាក់សាកលវិទ្យាល័យបានទេ ប៉ុន្តែពួកគេបានសម្រេចក្ដីស្រមៃដ៏ធំ ដោយបានទៅប្រកួតបាល់ទាត់តំណាងឲ្យកម្ពុជានៅលើឆាកអន្តរជាតិ។
ពានរង្វាន់បាល់ទាត់ពិភពលោកជនអនាថាឆ្នាំ២០១៧នេះមាន ៧២ ក្រុមមកពី៤៨ប្រទេសចូលរួម។ របៀបនៃការប្រកួតគឺមានកីឡាករ ៤នាក់លើទីលានអាចធ្វើការផ្លាស់ប្ដូរបានចំនួន៣លើក រយៈពេលប្រកួតមានចំនួន ២វគ្គដោយមួយវគ្គមាន៧នាទី៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
