"ពុកខ្ញុំពិធីករ" និយាយពីខ្សែជីវិតកូនប្រុសស្រី អ៊ិត សេដ្ឋា ត្រៀម...
- 2017-08-23 04:02:54
- ចំនួនមតិ 0 | ចំនួនចែករំលែក 0
"ពុកខ្ញុំពិធីករ" និយាយពីខ្សែជីវិតកូនប្រុសស្រី អ៊ិត សេដ្ឋា ត្រៀម...
ចន្លោះមិនឃើញ
បទចម្រៀង "ឪពុកខ្ញុំពិធីករ" និយាយអំពីខ្សែជីវិតកូនប្រុសស្រីទាំង៣នាក់របស់ អ៊ិត សេដ្ឋា ដែលមានលោកឪពុកជាពិធីករត្រៀមនឹងថតMV ក្នុងពេលដ៏ខ្លីខាងមុខនេះ។
ខៀវ ប៊ុនលាភ ជាម្ចាស់បទ "ឪពុកខ្ញុំពិធីករ" បានប្រាប់ Sabay ហេតុផលដែលខ្លួននិពន្ធ និងច្រៀងបទនេះឡើងដោយសារតែការកោតសរសើរពីជីវិតតស៊ូប្រឹងប្រែងធ្វើការរបស់លោក អ៊ិត សេដ្ឋា ដល់ដង្ហើមចុងក្រោយនៃជីវិត។ ម្យ៉ាងវិញទៀតខ្សែជីវិតកូនទាំង៣របស់ អ៊ិត សេដ្ឋា មានជីវិតមួយចំនួនស្រដៀងគ្នា និងលោក។
“ខ្ញុំមានបងប្អូនប្រុស១ស្រី២ កូនៗបង អ៊ិត សេដ្ឋា ដែរ ព្រមទាំងកំព្រាឪពុកដូចគ្នា ដូច្នេះខ្ញុំយល់ពីអារម្មណ៍មួយនេះថាវាឯកោប៉ុណ្ណា សម្រាប់ក្មេងដែលគ្មាន ឪពុក ឬអ្នកម្ដាយចាំផ្ដល់ភាពកក់ក្ដៅ។ បទ “ ឪពុកខ្ញុំពិធីករ” នេះខ្ញុំនឹងចេញថតMV ក្នុងពេលឆាប់ខាងមុខនេះហើយបង"។ ខៀវ ប៊ុនលាភ ថ្លែងបញ្ជាក់។
ចំពោះបទចម្រៀង "ឪពុកខ្ញុំពិធីករ" នេះ ប៊ុនលាភ ប្រើពេលវេលាតែង និងនិពន្ធត្រឹមតែមួយថ្ងៃតែប៉ុណ្ណោះបន្ទាប់ពី អ៊ិត សេដ្ឋា ទទួលមរណភាពភ្លាម។ មូលហេតុដែលបទនេះប្រើរយៈពេលខ្លីក្នុងការតែងនិពន្ធ និងច្រៀងដោយសារតែអារម្មណ៍ដិតដាមច្រើនទាក់ទងរឿង អ៊ិត សេដ្ឋា រួមផ្សំត្រូវជាមួយសាច់រឿងខ្លួនផងនោះទើបមិនប្រើពេលយូរ៕
ទៅស្ដាប់បទ "ឪពុកខ្ញុំពិធីករ" និយាយរាប់រាប់ពីខ្សែជីវិតកូនប្រុសស្រីទាំង៣ របស់ អ៊ិត សេដ្ឋា ខាងក្រោមនេះទាំងអស់គ្នា៖