គណៈកម្មការ AGT ស្រែកដាក់គ្នាយ៉ាងតឹងសរសៃក ដោយសារនាងតូចសំឡេងបានរូបនេះ

2017-08-24 06:47:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខនារីតូចគួរឲ្យស្រឡាញ់ដែលបានទាក់ចិត្តអ្នកគាំទ្រជាច្រើនមកពីជុំវិញពិភពលោក ឈ្មោះ Celine Tam បានឡើងមកកាន់កម្មវិធី America's Got Talent ម្ដងទៀតហើយសម្រាប់សប្ដាហ៍ទី ២។

នាងជា បេក្ខនារីតូចច្រឡឹងម្នាក់ដែល បានចូលរួមក្នុងកម្មវិធីដ៏ល្បី លំដាប់ថ្នាក់ពិភពលោករដូវកាលទី ១២នេះ។ សមត្ថភាពរបស់នាងដែលបង្ហាញពីមួយសប្ដាហ៍ ទៅមួយសប្ដាហ៍ពិតជាអស្ចារ្យ ធ្វើឲ្យគ្រប់គ្នាដែលបាន ទស្សនាស្ទើរមិនជឿថា ទេពកោសល្យច្រៀងរបស់ Celine ខ្លាំងដល់ម្ល៉ឹង។

ដោយឡែកក្នុងសប្ដាហ៍ថ្មី ដែលជាវគ្គ "Quarterfinals” នេះ កុមារីវ័យ ៩ឆ្នាំរូបនេះ នៅតែរក្សាបាននូវប្រជាប្រិយភាព ក៏ដូចជាភាពអស្ចារ្យរបស់ខ្លួន ដោយបង្ហើរទឹកដមសំឡេងយ៉ាងស្រទន់ ពោរពេញដោយថាមពលពីរោះរកថាមិនត្រូវតាមរយៈបទចម្រៀង "When You Believe”។

ទោះជា Celine មានអ្នកស្រឡាញ់ច្រើនក៏ដោយ ប៉ុន្តែចម្លែកតែគណៈកម្មការស្រីប្រចាំកម្មវិធី Mel B ហាក់ដូចជាមិនសូវចូលចិត្តនាងសោះ ដោយបាននិយាយថា គួរយកបទចម្រៀងផ្សេងមកច្រៀងឲ្យត្រូវជាមួយសំឡេងជាងនេះ។ ខណៈគណៈកម្មការ Simon ក៏បាននិយាយកាត់ ស្រាប់តែ Mel B ស្រែកឲ្យបិទមាត់។ ក្រោយមកគណៈកម្មការស្រី ម្នាក់ទៀត ឈ្មោះ Heidi Klum ក៏បានបន្លឺសំឡេង និងកោតសរសើរ Celine ហើយថែមទាំងបានឲ្យបំភ្លេចអ្វីដែល Mel B និយាយទៀតផង។ ថ្វីត្បិតពេលនោះពួកគេហាក់ប៉ះទង្គិចគ្នាក៏ពិតមែន ប៉ុន្តែកម្មវិធីនៅតែដំណើរការទៅយ៉ាងរលូនធម្មតា។