ចាប់ពូល UCL យប់នេះ តើវាសនាក្រុមមកពីអង់គ្លេសល្អឬអាក្រក់ឆ្នាំនេះ?
- 2017-08-24 07:58:32
- ចំនួនមតិ 0 | ចំនួនចែករំលែក 0
ចាប់ពូល UCL យប់នេះ តើវាសនាក្រុមមកពីអង់គ្លេសល្អឬអាក្រក់ឆ្នាំនេះ?
ចន្លោះមិនឃើញ
ការចាប់ឆ្នោតចាប់ពូល Champions League រដូវកាល២០១៧-១៨ នឹងប្រព្រឹត្តិនៅយប់នេះម៉ោង១១:០០ នៅប្រទេស Monaco។
ក្រោយជម្រុះយប់មិញគេរកឃើញ១០ក្រុមដែលបានឡើងមក ដើម្បីបង្គ្រប់៣២ក្រុមហើយក្នុងនោះមាន Liverpool, Celtic, Maribor, Olympiacos, Napoli, Sevilla, APOEL, Qarabag, Sporting និង CSKA Moscow។ រឿងដែលពិសេសឆ្នាំនេះក្រុមអង់គ្លេសបានឡើងមក UCLដល់ទៅ៥ក្រុមរួមមាន Chelsea, Spurs, Man City, Livperpool និងMan Utd។
ខាងក្រោមជា Pot របស់ក្រុមនីមួយៗ
Pot 1: Real Madrid, Bayern Munich, Juventus, Benfica, Chelsea, Shakhtar Donetsk, Monaco, Spartak Moscow Pot 2: Barcelona, Atletico, Paris Saint-Germain, Borussia Dortmund, Sevilla, Man City, FC Porto, Man United Pot 3: Napoli, Tottenham, FC Basel, Olympiakos, Anderlecht, Liverpool, Roma, Besiktas Pot 4: Celtic, CSKA Moscow, Sporting CP, APOEL Nicosia, Feyenoord, NK Maribor, FK Qarabag, RB Leipzig
សម្រាប់រដូវកាលនេះអង់គ្លេសជាលីគ ដែលមានក្រុមចូលរួមច្រើនជាងគេនៅ Champions League តើពួកគេអាចធ្វើបានល្អជាងរដូវកាលមុនៗឬយ៉ាងណា? ក្រុមមកពីអង់គ្លេសខកខានលើកពានធំបំផុតសម្រាប់ក្រុមអាជីពនៅអឺរ៉ុបមួយនេះ៥រដូវកាលមកហើយ តាំងពី Chelsea លើកចុងក្រោយកាលពីរដូវកាល ២០១១-១២។ រំឭកទៅក្រោយបន្តិច រដូវកាល ២០១៥-១៦ ក្រុមមកអេស្ប៉ាញបានឡើងមក UCL ៥ក្រុមដូចអង់គ្លេសពេលនេះអញ្ចឹង ហើយពីរក្រុមបានឈានទៅដល់វគ្គផ្ដាច់ព្រ័ត្រគឺ Real Madrid និង Atletico Madrid។ ចុះឆ្នាំនេះ ក្រុមធំៗនៅអង់គ្លេសបានចំណាយប្រាក់នាំចូលកីឡាករថ្លៃៗជាច្រើន ចាំមើលពួកគេអាចធ្វើបានដូចក្រុមមកពីអេស្ប៉ាញទេ?