HERBALIFE បណ្ដុះបណ្ដាលហើយ ឲ្យអាហារបំប៉នដល់កីឡាករហែលទឹកទៀត
- 2017-08-24 09:17:48
- ចំនួនមតិ 0 | ចំនួនចែករំលែក 0
HERBALIFE បណ្ដុះបណ្ដាលហើយ ឲ្យអាហារបំប៉នដល់កីឡាករហែលទឹកទៀត
ចន្លោះមិនឃើញ
HERBALIFE កម្ពុជា បានប្រកាសបន្តភាពជាដៃគូអាហារបំប៉នជាផ្លូវការជាមួយសហព័ន្ធខ្មែរកីឡាហែលទឹក (KSF) ដោយផ្ដល់ផលិតផលអាហារបំប៉ន Herbalife, Formula 1 Sport, CR7 Drive និងការបណ្ដុះបណ្ដាលផ្នែកអាហារបំប៉នកីឡាដើម្បីពង្រីកការគាំទ្រអាហារូបត្ថម្ភដល់កីឡាករហែលទឹកចាប់ពីខែសីហា ២០១៧ ដល់ ២០១៨។
ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានសហព័ន្ធខ្មែរកីឡាហែលទឹក បានអញ្ជើញចូលរួម និងចុះហត្ថលេខាលើកិច្ចព្រមព្រៀងនេះ ដោយមានប្រសាសន៍ថា៖ "យើងរីករាយណាស់ដែលទទួលបានផលិតផលអាហារបំប៉នសុខភាពសម្រាប់កីឡាកររបស់យើង ព្រមទាំងដំបូន្មាន និងការបណ្ដុះបណ្ដាលផ្នែកអាហារបំប៉នដែលអាចជួយពួកគេកាន់តែខ្លាំងក្នុងការប្រកួត"។
ផលិតផល HERBALIFEត្រូវបានអភិវឌ្ឍដោយអ្នកជំនាញផ្នែកអាហារបំប៉ន និងសុខភាពលំដាប់ពិភពលោក ដែលផ្អែកលើមូលដ្ឋានវិទ្យាសាស្ត្រអាហារបំប៉នចុងក្រោយបំផុត ដែលផ្ដល់អាហារបំប៉នមានតុល្យភាពសម្រាប់រាងកាយទាំងមូល។
អ្នកស្រី ឈុន ណៃឈីវ នាយកចាត់ការទូទៅ Herbalife កម្ពុជា បាននិយាយថា៖ "ពីក្រុមហ៊ុន Herbalife យើងជឿជាក់ថា អាហារូបត្ថម្ភសម្រាប់កីឡាគឺជាធាតុផ្សំសំខាន់ដើម្បីជួយកីឡាករបញ្ចេញសមត្ថភាពបានកម្រិតខ្ពស់បំផុតក្នុងការប្រកួត"។
HERBALIFE ជាក្រុមហ៊ុនអាហារបំប៉នលំដាប់ពិភពលោកមួយ មានបេសកកម្មផ្លាស់ប្ដូរជីវិតមនុស្សជាមួយផលិតផលអាហារបំប៉ន និងកម្មវិធីអាហារូបត្ថម្ភតាំងពីឆ្នាំ ១៩៨០ មកម្ល៉េះ ដោយមានផលិតផលគ្រប់គ្រងទម្ងន់ រាងកាយ កម្លាំង និងផលិតផលថែទាំផ្ទាល់ខ្លួន៕