បើករថយន្តជ្រុលចង្កូតធ្លាក់ទឹកហើយ ប៉ូលិសចាប់ខ្លួនទៀត

2017-08-26 02:09:40
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសសិង្ហបុរីអាយុ ៣៦ឆ្នាំម្នាក់ បានបើករថយន្តធ្លាក់ទឹកត្រង់ចំណុច Sentosa Cove នៅថ្ងៃសុក្រម្សិលមិញ ត្រូវបានប៉ូលិសចាប់ខ្លួនបន្ទាប់ពីជួយសង្គ្រោះចេញពីរថយន្ត។

ប៉ូលិសនិយាយថា គ្រោះថ្នាក់ចរាចរណ៍នេះបានកើតឡើងនៅម៉ោង ២៖ ១០នាទីរសៀល ពាក់ព័ន្ធនឹងរថយន្ត Toyota មួយគ្រឿង និងអ្នកយាមល្បាត Sentosa ម្នាក់ ដែលចុងក្រោយរថយន្តបើកធ្លាក់សមុទ្រ។ អ្នកដំណើរក្បែរនោះបានឃើញហេតុការណ៍ក៏បានទៅជួយសង្គ្រោះអ្នកបើកបរនេះផងដែរ។

អ្នកបើក និងអ្នកយាមល្បាត ត្រូវបានគេបញ្ជូនទៅកាន់មន្ទីរពេទ្យទាំងពីរនាក់ដោយអ្នកបើកបរសន្លប់បាត់បង់ស្មារតី និងអ្នកយាមល្បាតរងរបួសស្រាល។ បើយោងទៅតាមសាក្សីប្រាប់ថា អ្នកយាមល្បាតបានដេញតាមពីក្រោយអ្នកបើកបរ តែមិនទាន់ដឹងមូលហេតុអ្វី ហើយគាត់ក៏បានគេចទៅធ្លាក់ទឹកតែម្ដង។

បន្តិចក្រោយមក មានបុរស ២នាក់បានបោះពោងទៅក្នុងទឹក តែមិនអាចជួយបាន ទើបមានអូប័រនៅក្បែរចេញទៅជួយយកអ្នកបើកបរចេញតែម្ដង។ ក្រោយស្រង់រួច ប៉ូលិសបានចាប់ខ្លួនអ្នកបើកបរពីសកម្មភាពប្រញាប់ជ្រុលបង្កឲ្យមានគ្រោះថ្នាក់ ចាត់ទុកជាបទល្មើសព្រហ្មទណ្ឌ៕

ប្រភព៖ Channelnewsasia ប្រែសម្រួល៖ ឡេង ភារុណ