តារាស្រីណាខ្លះមានស្វាមី និងគូស្នេហ៍ជាបុរសបរទេស?

2017-08-26 23:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងសង្គមសិល្បៈខ្មែរមិនមានតារាច្រើនប៉ុន្មានទេដែលមាននិស្ស័យស្នេហាជាមួយបុរសបរទេស ពោលគឺមានតែតារាចម្រៀង សម្តែង និងពិធីការិនីប៉ុន្មាននាក់ប៉ុណ្ណោះ។ ក្រោយស្វែងយល់ចិត្តថ្លើមគ្នា ពួកគេទាំងនោះបានដឹកដៃគ្នាចូលរោងការ មានកូនប្រុសស្រី និងអ្នកខ្លះទៀតកំពុងតែទាក់ទងគ្នារបៀបគូស្នេហ៍។

ចង់ដឹងថា តើតារាស្រីដែលមានគូស្នេហ៍ និងស្វាមីជាជនជាតិបរទេសទាំងនោះមានតារាណាខ្លះ តាមដានជាមួយ Sabay ទាំងអស់គ្នា។

១. ទូច ស្រីល័ក្ខ៖ តារាចម្រៀងសិចស៊ីសម្បុរខ្មៅស្រស់រូបនេះមានស្វាមីសញ្ជាតិហុល្លង់ ដើមកំណើត អង់គ្លេស គឺលោក ម័រថេន ក្វាមេន។ អ្នកទាំងពីរបានរៀបការជាមួយគ្នានៅឆ្នាំ២០១១ បច្ចុប្បន្នមានកូនប្រុសម្នាក់អាយុជិត៣ឆ្នាំ។

២. ខៀវ សានសាណា៖ ក្រោយចែកផ្លូវជាមួយស្វាមីទី១ ជាជនជាតិកាណាដា ពិធីការិនីរាងតូចច្រឡឹងមានវោហារស័ព្ទនិយាយភាសាអង់គ្លេសបានល្អ ខៀវ សានសាណា បានរៀបការជាមួយស្វាមីទី ២ កាលពីថ្ងៃទី៨ ខែតុលា ឆ្នាំ២០១៦។ ស្វាមី សាណា ឈ្មោះ Seraj Sutton សញ្ជាតិអាមេរិក ជាអ្នកគ្រប់គ្រងជាន់ខ្ពស់នៃក្រុមហ៊ុន Herbalife Cambodia។

៣. ផូ មុន្នីពៅ៖ អតីតពិធីការិនីទូរទស្សន៍ CTN ធ្មេញច្រពើស ផូ មុន្នី ពៅ បានរៀបការកាលពីថ្ងៃទី១៩ កុម្ភៈ ឆ្នាំ២០១១ ជាមួយលោកអេរិច ជនជាតិបារាំង ជាមន្ត្រីនៅស្ថានទូតបារាំង។ កាលពីថ្ងៃទី២៥ ខែ សីហា កន្លងទៅ នាងបានសម្រាលកូនប្រុស នៅលើទឹកដីប្រទេសបារាំង ក្រោយពីចាកចេញទៅរស់នៅទីនោះបានជាង១ឆ្នាំ។

៤. ទឹម រដ្ឋា៖ តារាល្បីមាននិស្ស័យជាមួយបុរសបរទេស ទឹម រដ្ឋា បានប្រកាសបែកមិត្តប្រុស Zarckie ជនជាតិប៉ាគីស្ថាន ក្រោយស្គាល់គ្នាបានប្រមាណ៥ឆ្នាំ ។ បច្ចុប្បន្ន តារាសម្ដែងកម្ពស់បាន ទឹម រដ្ឋា កំពុងទាក់ទងជាមួយលោក Jovany Antonio ជនជាតិអាមេរិក ថែមទាំងត្រូវបានសាច់ញាតិទាំងសងខាងដឹងឮទៀតផង។

៥. កែវ ស្រីនាង៖ តារាសម្តែងស្រីរូបស្រស់ មុខស្រទន់ កែវ ស្រីនាង បានរៀបការជាមួយស្វាមីជាអ្នកជំនួញជនជាតិអង់គ្លេស ប្រមាណ១០ឆ្នាំមកហើយ ដោយមានចំណងដៃកូនស្រីវ័យជំទង់ម្នាក់៕