Zidane មិនបន្ទោស Benzema ទេ ទោះភ្លាត់ឱកាសសំខាន់ៗដល់ទៅ៤ដង

2017-08-28 02:14:24
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសប្ដាហ៍ទី២ Real Madrid លេងបានត្រឹមស្មើជាមួយភ្ញៀវ Valencia ២-២ប៉ុណ្ណោះ ស្របពេលខ្សែប្រយុទ្ធ Karim Benzema ហាក់ធ្វើឲ្យឱកាសល្អៗកន្លងផុតច្រើន។

ក្នុងវគ្គទី១កីឡាករវ័យក្មេង Marco Asensio ជាអ្នកបើកឆាកឲ្យ Madrid មុននាទីទៅ១០ ប៉ុន្តែនៅ៨នាទីបន្ទាប់ Valencia ក៏តាមស្មើវិញដោយកីឡាករ Carlos Soler។ ឈានដល់វគ្គទី២ក្រុមភ្ញៀវក៏រកបានគ្រាប់ទី២នាំមុខវិញម្ដង ធ្វើបានដោយ Geoffrey Kondogbia។ យ៉ាងណាមិញ នាទី៨៣Asensio ជាផ្កាយសំណាងរកគ្រាប់តាមស្មើឲ្យស្ដេចសវិញ។

ក្នុងការប្រកួតយប់មិញ Benzema ត្រូវគេមើលឃើញខកឱកាសមុខទីដល់ទៅ៤ដង ធ្វើឲ្យអ្នកគាំទ្រមិនសូចសប្បាយចិត្តប៉ុន្មានទេ។ តែអ្នកចាត់ការ Zidane បាននិយាយមុនសន្និសីទកាសែតទៅកាន់ទូរទស្សន៍មួយថា លោកមិនបន្ទោសលើ Benzema។ "ខ្ញុំបានប្រាប់ Benzema ឲ្យខំប្រឹងលេងបន្តទៀត។ រឿងដែលពិបាកបំផុតគឺមានឱកាសរកគ្រាប់បាល់។ ត្បិតតែគេមិនអាចរកគ្រាប់បាល់ តែគេបានធ្វើការច្រើន យើងមិនអាចបន្ទោកីឡាករពេលដែលមិនអាចរកគ្រាប់បាល់បានទេ"។ សម្ដី Zidane ៕