“អារ៉ាប់ពីយ៉ា" នៅតែពេញនិយមសម្រាប់និស្សិតខ្មែរ និងជប៉ុនក្នុងការប្រគំតន្ត្រី Orchestra (វីដេអូ)

2017-08-28 08:44:35
ចំនួនមតិ 0 | ចំនួនចែករំលែក 0

ចន្លោះមិនឃើញ

បទ "អារ៉ាប់ពីយ៉ា" ត្រូវបាននិស្សិតកម្ពុជា និងជប៉ុនចំនួន៥០នាក់ យកមកលេងជាទំនុកភ្លេងរួមគ្នាក្នុងការប្រគំតន្ត្រី Orchestra ម្សិលមិញ នៅមជ្ឈមណ្ឌលសហប្រតិបត្តិការកម្ពុជា-ជប៉ុនហៅកាត់ថា CJCC ។

អ្នកគ្រូ Iwasaki Ai និងនិស្សិតខ្មែរ

អ្នកស្រី Iwasaki Ai ជាគ្រូបង្ហាត់របាំ Opera ជនជាតិជប៉ុនបានប្រាប់ Sabay ថា នេះគឺជាលើកទី៦ ហើយដែលក្រុមនិស្សិតជប៉ុនបានរៀបចំការប្រគំតន្ត្រី Ochestra នេះឡើងនៅកម្ពុជា។ រាល់ពេលមានការប្រគំតន្ត្រីនេះឡើងនិស្សិតជប៉ុន និងកម្ពុជាតែងតែយកបទ "អារ៉ាប់ពីយ៉ា" មកលេងជាទំនុកភ្លេងរួមគ្នាដើម្បីបញ្ជាក់ពីមិត្តភាពរវាងកម្ពុជា និងជប៉ុន។

អ្នកស្រីបន្តថា៖“បទ"អារ៉ប់ពីយ៉ា" នេះគឺជាបទមួយដែលល្អជាងគេ ពេលដែលបញ្ចប់ការលេងតន្រ្ដីបទហ្នឹងគឺជាបទចុងក្រោយគេ ដែលធ្វើឲ្យអ្នកទាំងអស់គ្នាមានអារម្មណ៍រីករាយចង់រាំ ចង់ច្រៀងជាមួយគ្នា ផ្សាភ្ជាប់នៅមិត្តភាពជាមួយគ្នា"។

ការប្រគំតន្ត្រី Ochestra ធ្វើឡើងក្នុងគោលបំណងដើម្បីផ្លាស់ប្ដូរវប្បធម៌ប្រពៃណី រវាងប្រជាជនកម្ពុជា និងប្រជាជនជប៉ុនតាមរយៈការប្រគំតន្ត្រី និងការភ្លក់រស់ជាតិសាច់ជ្រូកដ៏មានឱជារសពីកសិដ្ឋានចិញ្ចឹមជ្រូក Kakegawa Pork មានអនាម័យតាមស្តង់ដាអន្តជាតិដែលមានគុណភាពល្អបំផុតនៅប្រទេសជប៉ុនគ្មានជាតិគីមី។ នេះបើតាមអ្នកស្រី Iwasaki Ai បញ្ជាក់៕