បែកធ្លាយ! Neymar ប្រាប់ Coutinho ថា៖ "កុំទៅ Barca អី”

2017-08-29 13:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធស្លាបរបស់ក្លឹបមហាសេដ្ឋី PSG កីឡាករ Neymar Jr កាលពីពេលថ្មីៗនេះបានប្រាប់ទៅខ្សែបម្រើប្រយុទ្ធរួមសញ្ជាតិប្រេស៊ីល Philippe Coutinho ឲ្យបន្តនៅក្លឹបហង្សក្រហម Liverpool ហើយកុំចាកចេញទៅក្លឹបអ្នកមានបុណ្យ Barcelona ដែលជាក្លឹបចាស់របស់ Neymar។

Neymar និង Coutinho

បើតាមសារព័ត៌មានប្រេស៊ីល Estadao បានឲ្យដឹងថា កីឡាករថ្លៃបំផុតក្នុងកំណត់ត្រាបាល់ទាត់ Neymar បានប្រាប់ទៅ Coutinho តាម Chat ថាកីឡាករឆ្នើមរបស់ក្លឹបហង្សក្រហមរូបនេះនឹងមិនស្ដាយក្រោយទេ ដែលក្លឹបយក្សអង់គ្លេសមួយនេះមិនព្រមលក់កីឡាករខ្សែបម្រើប្រយុទ្ធនេះឲ្យទៅក្លឹបអ្នកមានបុណ្យ Barca ។ បើសិនជាអ៊ីចឹងមែន បានន័យថា អតីតកីឡាករ Barca រូបនេះ បានលើកទឹកចិត្ត Coutinho មិនឲ្យចូលរួមក្លឹបចាស់របស់ខ្លួន ដែលកំពុងមានរឿងក្ដីក្ដាំជាមួយខ្លួនផងនោះ រឿងបញ្ហាកុងត្រា។

Neymar និង Coutinho

បញ្ជាក់ដែរថា Neymar បានចាកចេញពីក្លឹបអ្នកមានបុណ្យ កាលពីដើមខែនេះ ដើម្បីទៅចូលរួមជាមួយក្លឹបយក្សបារាំង PSG ក្នុងតម្លៃថ្លៃបំផុតក្នុងកំណត់ត្រាបាល់ទាត់។ ឯក្លឹប Barca ក៏មិនបង្អង់ក្នុងការចាយលុយដែលបានពីលក់កីឡាករសញ្ជាតិប្រេស៊ីលរូបនេះ ហើយទើបតែបានទិញជាផ្លូវការកាលពីម្សិលមិញខ្សែប្រយុទ្ធស្លាបបារាំងវ័យក្មេង Ousmane Dembele ពីក្លឹបយក្សអាល្លឺម៉ង់ Borussia Dortmund ក្នុងតម្លៃ ១០៥លានអឺរ៉ូ។ ទោះជាទិញបាន Dembele ក្តី ក៏នៅតែមានពាក្យចចាមអារាមថាក្លឹបអ្នកមានបុណ្យនៅតែតាមទិញខ្សែបម្រើប្រយុទ្ធ Coutinho ដែលជាគោលដៅសំខាន់របស់ខ្លួន ទោះជាក្លឹបហង្សក្រហមបដិសេធដាច់ខាតមិនលក់យ៉ាងណាក៏ដោយ។

តើ Coutinho នឹងចាកចេញ ឬ បន្តនៅក្នុងក្លឹបហង្សក្រហម Liverpool ក្នុងរដូវកាលនេះ? មានតែពេលវេលាទើបអាចប្រាប់បាន៕