រកឃើញចិញ្ចៀនពេជ្រវិញតម្លៃជាង ៤ម៉ឺនដុល្លារ ប៉ាវអ្នកស្រុកហូបគុយទាវ ៥ពាន់ចាន
- 2017-08-30 04:23:32
- ចំនួនមតិ 0 | ចំនួនចែករំលែក 0
រកឃើញចិញ្ចៀនពេជ្រវិញតម្លៃជាង ៤ម៉ឺនដុល្លារ ប៉ាវអ្នកស្រុកហូបគុយទាវ ៥ពាន់ចាន
ចន្លោះមិនឃើញ
បុរសក្វាងចូវ ខេត្តក្វាងទុង ប្រទេសចិន ម្នាក់មានឈ្មោះ Wang បានធ្វើដំណើរទៅកាន់ទីក្រុងឆុងឈីង ដើម្បីសុំមិត្តស្រីរៀបការដែលជាអ្នកស្រុករស់នៅទីនោះ។
ប៉ុន្តែពេលទៅជួបមិត្តស្រី គាត់មិនបានដឹងថា ខ្លួនបានភ្លេចកាបូបមានទុកចិញ្ចៀនពេជ្រទំហំ ៣ការ៉ាត់ តម្លៃប្រមាណ ៤៤ ៩០០ដុល្លារ នៅខាងក្រៅហាងលក់គុយទាវ ក្រោយឈប់ហូបអាហារនៅទីនោះ។
ជាសំណាងល្អ អ្នកស្រុកចិត្តស្មោះម្នាក់រើសបាន ក៏សុខចិត្តប្រគល់កាបូបនោះឲ្យទៅម្ចាស់ភោជនីយដ្ឋាន។ បន្ទាប់មកគេបានទាក់ទងទៅលោក Wang ម្ចាស់ហាងក៏ប្រគល់កាបូបឲ្យម្ចាស់ដើមវិញ ដោយរបស់របរនៅគ្រប់ទាំងអស់។លោក Wang បានត្រលប់ទៅសុំមិត្តស្រីរៀបការវិញ ហើយក៏ទទួលចម្លើយយល់ព្រមដែរ។
លោក Wang មានជំនឿចិត្តថា ការស្នើសុំមិត្តស្រីនឹងមិនជោគជ័យទេ ប្រសិនបើលោកមិនបានជួបអ្នកស្រុកចិត្តស្មោះប្រគល់ទ្រព្យសម្បត្តិឲ្យវិញនោះ។ ដូច្នេះដើម្បីអរគុណសន្តានចិត្តអ្នកស្រុក និងភោជនីយដ្ឋាន លោកសម្រេចចិត្តប៉ាវគុយទាវ ៥ ០០០ចាន ឲ្យទៅអ្នកទិញនៅទីនោះ និងដើម្បីអបអរពិធីភ្ជាប់ពាក្យផងដែរ។ លោកជ្រើសរើសយក ៥ពាន់ចាន ព្រោះវាចំនួនភោជនីយដ្ឋានលក់បានជាមធ្យមក្នុងមួយថ្ងៃ។
លោកបានសរសេរក្នុងសំបុត្រថា "ទីក្រុងឆុងឈីង មាននារីខ្ញុំស្រលាញ់ និងប្រជាជនចិត្តល្អណាស់។ ខ្ញុំមានចិត្តសោមនស្ស និងរីករាយបំផុត"។ ចំណែកអ្នកស្រុក បានតម្រង់ជួរគ្នាជាង ១០០ម៉ែត្រនៅខាងក្រៅហាងដើម្បីទទួលបានគុយទាវមួយចានដោយឥតគិតថ្លៃ៕
ចុចអាន៖
ឪពុកម្ដាយសុខចិត្តបោសសំរាមតាមដងផ្លូវ រហូតជួយកូនរៀនដល់ថ្នាក់បណ្ឌិត
ប្រយ័ត្ន! ជប់ជាប់ពេកដល់ថ្នាក់ប្រើរណា អារយកចេញ ចុងក្រោយដេកពេទ្យ
លក្ខខណ្ឌរើសកងទ័ពថ្មីរបស់ចិន គឺមិនឲ្យលេងហ្គេម និងសម្រេចកាម