បើគិតថា Sony A9 ថ្លៃជ្រុល មើល ៥ ចំណុចរបស់វា ចាំសម្រេចក្រោយក៏មិនអីដែរ

2017-08-31 08:45:54
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្តមាននៃកំពូលកាមេរ៉ា Mirrorless Full-Frame របស់ Sony ម៉ូដែល A9 បានឆក់យកបេះដូងអ្នកថតរូបស្ទើរតែគ្រប់គ្នាជុំវិញពិភពលោក។ មូលហេតុ គឺមកពីកាមេរ៉ា Sony A9 នេះ មានបច្ចេកវិទ្យាសំខាន់ ៥ ដែលទាំងអ្នកថតអាជីព និងអ្នកស្រលាញ់វិស័យថតរូបរមែងចង់បាន ហើយបច្ចេកវិទ្យាទាំងនោះមានដូចជា៖

CMOS Sensor 35mm Full-Frame ចាប់រូបភាពទំហំ ២៤,២ មេហ្គាភិចសែល

Sony A9 ជាកាមេរ៉ា Mirrorless Full-Frame មុនគេបង្អស់មានប្រើ CMOS Sensor ដែលផលិតភ្ជាប់មកជាមួយនូវមេម៉ូរី ដែលធ្វើឲ្យវាមានល្បឿនលឿនជាងកាមេរ៉ាទូទៅដែលប្រើ CMOS Sensor ធម្មតាដល់ទៅ ២០ ដង។

បន្ទះឈីបប្រតិបត្តិការផលិតរូបប្រភេទ BIONZ X

BIONZ X ជាប្រភេទបន្ទះឈីបដែលផលិតពិសេសសម្រាប់ការចាប់រូបភាពដែលមានចលនាលឿនៗ ដែលនេះហើយ ជាមូលហេតុធ្វើឲ្យ Sony A9 អាចចាប់រូបភាពបានច្រើនជាងកាមេរ៉ាផ្សេងៗក្នុងពេលវេលាដូចគ្នា។

ល្បឿនចាប់រូបភាពលឿនជាងគេបំផុតសម្រាប់ពេលបច្ចុប្បន្ន

Sony A9 ត្រូវគេរាប់ជាកាមេរ៉ាដែលមានសមត្ថភាពអាចថតរូបបានលឿនជាងគេបំផុតសម្រាប់ពេលបច្ចុប្បន្ន ពោលគឺអាចចាប់បានដល់ទៅ ២០ សន្លឹកក្នុងមួយវិធី ហើយលទ្ធផលរូបភាពដែលផលិតបានទាំងនោះ សុទ្ធតែជាគុណភាពលំដាប់អ្នកជំនាញ។

ចំណុចចាប់រូបភាពស្វ័យប្រវត្តិ ៦៩៣ គ្រាប់

មិនត្រឹមមានល្បឿនចាប់រូបភាពបានលឿន ប៉ុន្តែ Sony A9 ក៏នៅមានបច្ចេកវិទ្យាចំណុចចាប់រូបភាពស្វ័យប្រវត្តិ (AF) ដល់ទៅ ៦៩៣ គ្រាប់ហើយ AF ទាំងនោះអាចតាមចាប់ Subject ដែលផ្លាស់ទីបានក្នុងល្បឿនមួយដែលមិនទាន់មានកាមេរ៉ាណាអាចធ្វើបាន។