ជំនួបរវាង Floyd និង McGregor បំបែកកំណត់ត្រាទិញសិទ្ធិទស្សនានៅ U.S

2017-08-31 08:42:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ការគោចរជួបគ្នារវាងអ្នកប្រដាល់អាមេរិក Floyd Mayweather និងកំពូលអ្នកលេងគុនចម្រុះ Conor McGregor បានក្លាយជាការប្រកួតទាញចំណាប់អារម្មណ៍ពីគាំទ្រខ្លាំងក្លាបំផុតក្នុងឆ្នាំ២០១៧នេះ។

ប៉ុន្តែសម្រាប់អ្នកទស្សនានៅអាមេរិកដែលខំចំណាយដល់ទៅ១០០ដុល្លារដើម្បីបានសិទ្ធិទស្សនាការប្រកួតនេះ ក៏ដូចជាអ្នកមើលទូទាំងពិភពលោកហាក់ខកចិត្តបន្តិច ដោយសារអ្នកប្រដាល់ទាំងពីរវាយដូចអង្អែលគ្នា លុះដល់ទឹកទី១០ McGregor ត្រូវបានបោះបង់ការប្រកួត។

យ៉ាងណាមិញ បើតាមលោក Dana White ដែលជាប្រធាន UFC បានឲ្យដឹងថា ការប្រកួតដែលគេឲ្យឈ្មោះថា ជាការប្រកួតប្រចាំសតវត្ស បានបំបែកកំណត់ត្រាទិញសិទ្ធិទស្សនានៅសហរដ្ឋអាមេរិក របស់ការប្រកួតរវាង Mayweather និង Manny Pacquiao កាលពីឆ្នាំ២០១៥។ ជំនួបរវាង Floyd និងអ្នកប្រដាល់ហ្វីលីពីន រកចំណូលពីការទិញសិទ្ធិទស្សនាបាន៤,៤លានដុល្លារ ខណៈការប្រកួតរវាង Floyd និង McGregor រកបាន៦,៥លានដុល្លារ៕