ក្រសួងកាងារប្រកាសឲ្យសហគ្រាសមានប្រើកម្លាំងជនបរទេសត្រូវស្នើ និងចុះបញ្ជីនៅក្រសួង
- 2017-09-01 07:34:09
- ចំនួនមតិ 0 | ចំនួនចែករំលែក 0
ក្រសួងកាងារប្រកាសឲ្យសហគ្រាសមានប្រើកម្លាំងជនបរទេសត្រូវស្នើ និងចុះបញ្ជីនៅក្រសួង
ចន្លោះមិនឃើញ
ក្រសួងការងារជូនដំណឹងដល់ម្ចាស់សហគ្រាស ឬគ្រឹះស្ថានទាំងឡាយដែលមានបំណងប្រើប្រាស់ហត្ថពលកម្មបរទេសសម្រាប់ឆ្នាំ២០១៨ត្រូវដាក់សំណើទៅក្រសួង រីឯសហគ្រាស ឬគ្រឹះស្ថាននានាដែលមានប្រើហត្ថពលកម្មបរទេស និងជបរទេសដែលដែលកំពុងប្រកបរបរក្នុងប្រទេសកម្ពុជាក៏ត្រូវបំពេញឯកសារការងារនៅក្រសួងដូចគ្នា។
សេចក្តីជូនដំណឹងមួយចុះថ្ងៃទី៣១ ខែសីហា ឆ្នាំ២០១៧ និងត្រូវបានផ្សព្វផ្សាយនៅហ្វេសប៊ុកក្រសួងនៅថ្ងៃនេះ ឲ្យដឹងថាសហគ្រាស ឬគ្រឹះស្ថានដែលមានបំណងចុះកុងត្រាប្រើប្រាស់កម្លាំងពលកម្មបទេសត្រូវដាក់សំណើទៅកាន់ក្រសួងតាមរយៈគេហទព័រ www.fwcms.mltv.gov.kh ចាប់ពីថ្ងៃទី១ ខែកញ្ញា ដល់ថ្ងៃទី៣០ ខែវិច្ឆិកា ឆ្នាំ២០១៧។
ដោយឡែកចំពោះសហគ្រាស ឬគ្រឹះស្ថានានាដែលមានប្រើកម្លាំងពលកម្មបរទេស ឬជនបរទេសដែលកំពុងប្រកបរបរនៅកម្ពុជា និងចង់បន្តការងារនៅឆ្នាំ២០១៨ ក៏ត្រូវបំពេញឬសុំពន្យាបែបទធ្វើបណ្ណការងារ និងសៀវភៅការងារ តាមរយៈគេហទំព័រ www.fwcms.mltv.gov.kh ចាប់ពីថ្ងៃទី១ ខែមករា ដល់ថ្ងៃទី៣១ ខែមីនា ឆ្នាំ២០១៨។
ចំពោះម្ចាស់គ្រឹះស្ថាន ឬម្ចាស់សហគ្រាស និងជនបរទេសណាដែលមិនអនុវត្តតាមសេចក្តីជូនដំណឹងនេះ ក្រសួងនឹងមានវិធានការផាកពិន័យទៅតាមផ្លូវច្បាប់។ នេះបើតាមសេចក្តីជូនដំណឹងដដែល៕