រដ្ឋមន្ត្រីក្រសួងវប្បធម៌ ទម្លាយរឿងហួសចិត្តមួយ មុនលោកវាយកម្ទេចព្រះវិហារចោល
- 2017-09-01 09:52:39
- ចំនួនមតិ 0 | ចំនួនចែករំលែក 0
រដ្ឋមន្ត្រីក្រសួងវប្បធម៌ ទម្លាយរឿងហួសចិត្តមួយ មុនលោកវាយកម្ទេចព្រះវិហារចោល
ចន្លោះមិនឃើញ
បន្ទាប់ពីព្រះវិហារដ៏ចំណាស់មួយក្នុងវត្ត ឥន្ទ្រីសំវរៈ ហៅវត្តកំពង់ធំ ត្រូវព្រះសង្ឃរាជវត្តបញ្ជាឱ្យវាយកម្ទេចចោល បង្កឱ្យមានការភ្ញាក់ផ្អើលជាខ្លាំង។ ក្រោយមកមិនបានប៉ុន្មាន ឯកឧត្ដម ខៀវ កាញារឹទ្ធ រដ្ឋមន្ត្រី ក្រសួងព័ត៌មានបានបញ្ចេញសារសោកស្ដាយមួយនៅបណ្ដាញសង្គម ចំពោះការបាត់បង់ព្រះវិហារបុរាណនេះ ដែលជាសម្បត្តិបេតិកភណ្ឌជាតិ។
អ្វីដែលគួរឱ្យចាប់អារម្មណ៍ លោកជំទាវ ភឿង សក្កណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានបញ្ចេញសារ ឆ្លើយតបទៅរដ្ឋមន្ត្រីក្រសួងព័ត៌មាន អំពីរឿងពិតមួយ មុនការវាយកម្ទេចព្រះវិហារនោះថា៖ "មន្ត្រីជំនាញទៅហាមឃាត់ពេលល្ងាច លោកថាអាត្មាដឹងហើយ ស្អែកឡើងទៅដល់ រាបដល់ដី លោកប្រឹងសម្រុកវាយចោលទាំងយប់។ មិនយល់ ត្រង់ថា អ្នកដែលគួរជាអ្នកថែរក្សា បែរទៅជាប្រឹងបំផ្លាញទៅវិញ ។ តើបានចំណេញអ្វី ពីការបំផ្លាញបេតិកភណ្ឌជាតិនេះ ក្រៅពីការឈឺចាប់សម្រាប់វប្បធម៌ខ្លួន?”
បន្ថែមលើពីនេះទៀត រដ្ឋមន្ត្រីក្រសួងវប្បធម៌ បានសរសេរថា ក្រសួងវប្បធម៌ រួមជាមួយនឹងក្រសួងធម្មកា នឹងធ្វើការត្រួតពិនិត្យទៅលើបញ្ហានេះ។
គួរជម្រាបជូនថា កាលពីថ្មីៗនេះ ឯកឧត្ដម បានសរសេររៀបរាប់នៅលើបណ្ដាញសង្គមជុំវិញការបំផ្លាញព្រះវិហារក្នុងខេត្តកំពង់ធំថា៖ "វត្តឥន្ទ្រីសំវរៈហៅវត្តកំពង់ធំ ត្រូវបានសាងសង់នៅឆ្នាំ ១៦៣៣ ឯព្រះវិហារសាងសង់ឆ្នាំ ១៩៤៨ ហើយដាក់ជាបេតិកភណ្ឌជាតិនៅឆ្នាំ ២០០៧ ។ វិហារនេះ មានរូបគំនូរបុរាណជាច្រើន ។ តែពេលនេះ ព្រះសង្ឃរាជវត្ត បានសម្រេចឱ្យវាយចោលឥតស្ដាយស្រណោះ៕"
ចុចអានអត្ថបទជុំវិញរឿងនេះ៖