របៀបថតរូបភាព Fashion បែប Portrait ជាមួយនឹង iPhone

2017-09-02 06:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកថតរូបលក្ខណៈ Fashion ភាគច្រើនប្រើកាមេរ៉ាធំៗ និង Studio lighting តម្លៃថ្លៃៗ ទើបអាចផលិតរូបបែបនោះបានស្អាត ទាក់ទាញ។ ទោះជាយ៉ាងណាមិញ អ្នកក៏អាចយក iPhone របស់អ្នក មកថតរូបលក្ខណៈ Fashion ក៏បានស្អាតដូចគ្នាដែរ ប្រសិនបើអ្នករៀបចំបានល្អ។

តោះ! កុំនៅយូរ បើអ្នកមាន iPhone ហើយអាចសាកល្បងមើលបាន ជាមួយនឹងគន្លឹះសំខាន់ៗដូចខាងក្រោម៖

#១ ស្វែងរកតារាម៉ូដែលសម្រាប់ថត

អ្នកអាចជ្រើសរើសមិត្តភក្ដិ សមាជិកក្រុមគ្រួសារណាមួយក៏បានសម្រាប់ធ្វើជា តារាម៉ូដែល។ កត្តាដែលសំខាន់ និងត្រូវការគឺ ការតុបតែងខ្លួន សំលៀកបំពាក់ គ្រឿងលំអផ្សេងៗ ដើម្បីឲ្យរូបភាពលក្ខណៈ Fashion មើលទៅស្អាតប្លែក។ ម្យ៉ាងវិញទៀត អ្នកអាចបង្កើតជាក្រុមសម្រាប់អ្នកដែលមាននិស្ស័យក្នុងការថតរូបដូចនឹងអ្នក ដើម្បីផ្លាស់ប្តូរបទពិសោធន៍ ឬប្តូរគ្នាធ្វើជាតារាម៉ូដែល សម្រាប់ការសិក្សាសាកល្បងលើការថតបែបនេះ។

#២ ស្វែងរកទីតាំងដែលគួរឲ្យចាប់អារម្មណ៍

ក្រោយជ្រើសរើសតារាម៉ូដែលដែលជា Subject សម្រាប់ថត អ្នកត្រូវការជ្រើសរើសទីតាំងណាមួយដែលត្រូវនឹងបំណងរបស់អ្នក ក្នុងការបង្ហាញពីទិដ្ឋភាពផ្សេងៗ។ ជាទូទៅអ្នកអាចថតនៅខាងក្រៅ ឬខាងក្នុងផ្ទះ។ សម្រាប់ការថតរូបខាងក្រៅ អ្នកអាចជ្រើសរើសដូចជា ឆ្នេរសមុទ្រ វាលស្មៅ ឧទ្យានជាតិ ជារួមកន្លែងដែលស្ងាត់ និងទីធ្លាធំ។ ការថតរូបខាងក្រៅមានកត្តាពិបាកមួយចំនួនដូចជា ត្រូវដឹកជញ្ជូននូវសម្ភារៈ រួមទាំងតារាម៉ូដែល ពិបាកថតពេលអាកាសធាតុប្រែប្រួល។ ប៉ុន្តែក្នុងប្លង់ថត អ្នកមានពន្លឺគ្រប់គ្រាន់សម្រាប់រូបភាពអ្នក។ សម្រាប់ការថតរូបខាងក្នុង អ្នកអាចជ្រើសរើសដូចជា ផ្ទះទំនើបៗ ផ្ទះនៅជនបទចាស់ៗ ឃ្លាំង ឬអាគារបោះបង់ចោល ហើយសម្រាប់ទីតាំងទាំងនេះគួរមានបង្អួតធំៗ សម្រាប់ពន្លឺធម្មជាតិមួយចំនួន។ ការថតរូបខាងក្នុងមានលក្ខណៈល្អមួយចំនួន ដោយមិនបារម្ភចំពោះអាកាសធាតុប្រែប្រួល សម្ភារៈនៅនឹងកន្លែងងាយស្រួលទុកដាក់។ ប៉ុន្តែអ្នកត្រូវការធ្វើការបន្ថែមលើ Lighting។ ទោះជាយ៉ាងណាប្រសិនបើអ្នកចង់ថតក្នុងផ្ទះខ្លួនឯង អ្នកអាចស្វែងរកចំនុចណាមួយដែលមានពន្លឺធម្មជាតិជះមកល្អ រួចបន្ថែមនូវ ថូផ្កា, គំនូរ, សៀវភៅ ឬរបស់របរផ្សេងៗទៀតសម្រាប់លំអរ។

៣ ប្រើប្រាស់ Tripods អ្នកគួរចំណាយលុយបន្ថែមលើ Tripod សម្រាប់ធានានូវគុណភាពរូបភាពបានល្អ ព្រោះក្នុងកម្រិតពន្លឺទាប អ្នកប្រហែលជាត្រូវការប្រើ Shutter speed យឺត ហើយបើសិនជាអ្នកកាន់ចុចនឹងដៃធម្មតាអាចនឹងរង្គើរ សូម្បីតែបន្តិចនឹងធ្វើឲ្យរូបភាពព្រាល។ ម្យ៉ាងវិញទៀតការប្រើប្រាស់វា ក៏ងាយស្រួលឲ្យអ្នកទំនេរដៃក្នុងការតម្រង់ទិសដៅរបស់តារាម៉ូដែល និងកាន់នូវ Artificial light source ឬ Reflector។ ប្រសិនបើអ្នកមាននូវ Tripod សម្រាប់កាមេរ៉ា DSLR រួចហើយអ្នកមិនចាំបាច់ទិញ Tripod សម្រាប់ iPhone ទៀតនោះ ជំនួសមកវិញអ្នកគ្រាន់តែទិញនូវទំពួកសម្រាប់ភ្ជាប់ iPhone នឹង Tripod ឬទិញ Case ដែលមាននូវទំពួកនេះតែម្តង ដូចជា DIFF iPhone case។

៤ ការដំឡើង Lighting ការប្រើប្រាស់ Lighting ជាចំនុចសំខាន់ និងចាំបាច់សម្រាប់ការថតរូបក្នុងការបន្ថែមពន្លឺលើ Subject។ ការជ្រើសរើស Lighting វាអាស្រ័យលើ ទីតាំង លក្ខណៈរូបភាព និងអារម្មណ៍ដែលអ្នកចង់បង្កើត ព្រមទាំងថវិកាផងដែរ។ ប្រសិនបើអ្នកថតរូបខាងក្រៅ អ្នកគួរគិតលើទីតាំងព្រះអាទិត្យ និងលក្ខខណ្ឌអាកាសធាតុ។ ប្រសិនបើអ្នកថតរូបក្នុងស្ថានភាពមានមេឃស្រទុំ អ្នកនឹងទទួលបានពន្លឺភ្លឺស្រទន់។ ប្រសិនបើអ្នកថតរូបក្នុងស្ថានភាពមានពន្លឺជះខ្លាំង អ្នកគួររំកិល Subject ចូលម្លប់។ ម្យ៉ាងទៀត អ្នកគួរថតពេលព្រះអាទិត្យចុះទាបក្នុងមេឃ ដែលជាពេលវេលាល្អ (Golden hour) ក្នុងការបន្ថែមភាពស្រស់ស្អាតលើរូបភាព។ សម្រាប់ការថតរូបខាងក្នុង អ្នកមានជម្រើសច្រើន ដោយប្រើពន្លឺធម្មជាតិដែលចេញតាមបង្អួត ឬ Artificial light source ឬប្រើទាំងពីរផ្សំគ្នាតែម្តង ដោយអាស្រ័យលើថវិកា និងកម្រិតនៃរូបភាពដែលអ្នកផលិត។ Artificial light មានជម្រើសច្រើនផ្សេងគ្នា ដែលអ្នកអាចប្រើប្រាស់បាន។ ជម្រើសដែលមានគុណភាពខ្ពស់គឺត្រកូល Kino Celeb នៃ LED light panel ដែលមានពន្លឺខ្លាំង អាចកែប្រែ White balance និងមិនបញ្ចេញកម្តៅ។ ម្យ៉ាងទៀតអ្នកគួរទិញ Light stand ដែលមាំសម្រាប់ដាក់នូវ LED light panel។ ការដំឡើងអាចទាក់ទងនឹងអគ្គិសនី ដូច្នេះត្រូវមានការប្រុងប្រយ័ត្នឲ្យបានខ្ពស់ដោយខ្លួនឯង។ ក្រោយអ្នកមានពន្លឺ អ្នកអាចភ្ជាប់ iPhone នឹង Tripod បន្ទាប់មកតម្រង់ពន្លឺជះលើមុខរបស់តារាម៉ូដែល សម្រាប់ការថត។

៥ ប្រើប្រាស់ពន្លឺធម្មជាតិតាមបង្អួត សម្រាប់ពន្លឺធម្មជាតិក្នុងការថតរូបខាងក្នុងលក្ខណៈ Fashion ពន្លឺតាមបង្អួតជាគន្លឹះសំខាន់ ដែលអ្នកអាចថតជាមួយនឹងពន្លឺព្រះអាទិត្យដោយផ្ទាល់ ឬពន្លឺពីមេឃមានលក្ខណៈស្រទំ។ អ្នកអាចកំណត់ទីតាំងសម្រាប់តារាម៉ូដែលនៅក្បែរបង្អួត រួចពិនិត្យមើលពន្លឺដែលជះលើពួកគាត់។ ចំនុចដែលមើលទៅស្អាត គួរឲ្យតារាម៉ូដែលត្រូវពន្លឺមួយចំហៀងនៅក្បែរនឹងបង្អួត ហើយម្ខាងទៀតមានស្រមោល ដែលបង្កើតបាននូវរូបភាពគួរឲ្យចាប់អារម្មណ៍។ ក្នុងករណីល្អបំផុត សម្រាប់បច្ចេកទេសនេះពេលមេឃស្រទំ ដែលពន្លឺមានលក្ខណៈស្រទន់ល្អ ជៀសជាងពន្លឺព្រះអាទិត្យភ្លឺដោយផ្ទាល់។ ក្នុងរូបភាពខាងលើ អ្នកឃើញមាននូវពន្លឺព្រះអាទិត្យដោយផ្ទាល់ចាំងលើហ្គីតា និងខ្ទង់ ប៉ុន្តែដោយសារមាននូវស្រទាប់ស្តើងមួយនៃពពកគ្របដណ្តប់ក្នុងមេឃ ពន្លឺមានលក្ខណៈស្រទន់ស្អាត ដែលបង្កើតបានលក្ខណៈ Portrait ផងដែរ។ ប្រសិនបើអ្នកថតរូបបែបនេះ អ្នកមិនចង់ឲ្យមានស្រមោលនូវផ្នែកម្ខាងទៀតនៃមុខនោះទេ អ្នកអាចប្រើប្រាស់ Reflector ដោយជះពន្លឺពីបង្អួតត្រលប់លើស្រមោលម្ខាងទៀតនៃមុខ។ ក្រោយការ Focus អ្នកប្រហែលជាត្រូវការកែប្រែ Exposure ដូច្នេះមុខរបស់តារាម៉ូដែលមិនភ្លឺខ្លាំងពេក នូវម្ខាងដែលភ្លឺស្រាប់នោះ។ ដើម្បីកាត់បន្ថយ Exposure អ្នកចុចសង្កត់អូសចុះក្រោមលើអេក្រង់។

៦ ប្រើប្រាស់ Artificial light សម្រាប់ការថតរូបខាងក្នុងលក្ខណៈ Fashion អ្នកគួរប្រើប្រាស់ Artificial light source តែមួយ ហើយប្រើពន្លឺនោះដើម្បីបំភ្លឺមុខតារាម៉ូដែល។ ក្នុងរូបភាពខាងក្រោម មានតារាម៉ូដែលពីរនាក់នៅក្បែរជណ្តើរ ដោយមានបង្អួតតូចមួយឲ្យពន្លឺតិតតួចឆ្លងកាត់ ប៉ុន្តែវាមិនបានបំភ្លឺតារាម៉ូដែល ឬ ទូរសៀវភៅខាងក្រោយពួកគេនោះទេ។ ដូច្នេះគួរដំឡើង LED light source នៅក្រោមជណ្តើរ ខ្ពស់ជាងក្បាលពួកគាត់រួចតម្រង់ចុះក្រោម ៤៥ ដឺក្រេ។ ពន្លឺនេះបំភ្លឺមុខរបស់តារាម៉ូដែល និងទូរសៀវភៅក្នុងពេលតែមួយ ដោយសារពន្លឺគ្រាន់តែជះលើ Subject ទិសដៅតែមួយ ដែលមាននូវស្រមោលនៅចំនុចខ្លះបង្កើតបានជាអារម្មណ៍មួយក្នុងរូបភាព។ ក្នុងករណីជាច្រើនអ្នកត្រូវការប្រើទាំងពន្លឺដែលចេញតាមបង្អួត និង Artificial light។ ឧទាហរណ៍ ពេលអ្នកមានពន្លឺមកពីបង្អួត ប៉ុន្តែទិដ្ឋភាពត្រូវការពន្លឺបន្ថែមបន្តិចដើម្បីបំភ្លឺពីប្រភពពន្លឺផ្សេងទៀត។ ប្រសិនបើពន្លឺតាមបង្អួតបំភ្លឺមុខម្ខាងរបស់តារាម៉ូដែល ហើយអ្នកមិនចង់ឲ្យមានស្រមោលនៅមុខម្ខាងទៀត អ្នកអាចប្រើ Artificial light source ដើម្បីបំភ្លឺស្រមោលនោះ។

ប្រភព៖

ប្រភព៖ iphonephotographyschool ប្រែសម្រួល៖ ប៊ុន ធឿន