G-Devith៖ ខ្ញុំមិនដែលសុំបាយអ្នកណាហូបទេ តែលើកនេះសុំ...
- 2017-09-02 05:33:57
- ចំនួនមតិ 0 | ចំនួនចែករំលែក 0
G-Devith៖ ខ្ញុំមិនដែលសុំបាយអ្នកណាហូបទេ តែលើកនេះសុំ...
ចន្លោះមិនឃើញ
G-Devith បានយកថ្ងៃខួបកំណើតខ្លូនមកធ្វើកម្មវិធីសប្បុរសធម៌មានឈ្មោះថា G FUND By G-Devith ដើម្បីរៃអង្គាសថវិកាយកទៅសាងសង់សាលារៀនមួយខ្នង គឺអនុវិទ្យាល័យព្រះពុទ្ធសេរី នៅឃុំដំបូករូង ស្រុកភ្នំស្រូច ខេត្តកំពង់ស្ពឺ។
ជាក់ស្តែងនៅថ្ងៃ០៥ តុលា ២០១៧ នឹងមានការប្រគំតន្ត្រីសប្បុរសធម៌ពីម្ចាស់បទ "មនុស្សស្រីដែលខ្ញុំស្រលាញ់" ចាប់ពីម៉ោង៣រសៀលរហូតដល់ម៉ោង៧ល្ងាច ដែលមានការបង្ហាញពិសេសៗពីក្រុមតារារ៉េបរូបនេះ ព្រមទាំងមិនធ្លាប់មានពីមុនមកក្នុងព្រះរាជាណាចក្រកម្ពុជា ហើយក៏មានវត្តមានតារា Original Songផ្សេងៗទៀតចូលរូមផងដែរ ដូចជា លោក ហេង ពិទូ កញ្ញា អេដា កញ្ញា ទេព បូព្រឹក្ស លោក នី រតនា លោក PeyPey Dy លោក Tempo និង T.O ។
គោលបំណងតែមួយគត់ពី ងួន ចាន់ដេវីត គឺចង់ឃើញប្អូនៗមានសាសារៀនសមរម្យ ពីព្រោះសព្វថ្ងៃនេះសិស្សអនុវិទ្យាល័យទាំងនោះបានកំពុងខ្ចីសាលារៀន បឋមដើម្បីរៀនអស់រយៈពេលជាង៥ឆ្នាំមកហើយ។ ដោយលោកបានចុះទៅមើលស្ថានភាពសាលានោះផ្ទាល់ពិតជាមានភាពលំបាកណាស់ លោកមានក្តីអាណិតអាសូរពេកក្រៃ ទើបធ្វើឲ្យលោកមានគំនិតនេះឡើង។
កម្មវីធី G FUND នេះនឹងធ្វើឡើង នៅសាលមហាស្របកោះពេជ្រ ចាប់ផ្តើមលក់សំបុត្រពីថ្ងៃនេះតទៅ សូមទាក់ទងមកកាន់លេខ ០៦៩៣៤៨២២២ រឺ០១៥៤៣១៨៨០ (០១៥៥៥៥៤៧០ សម្រាប់ភាសាអង់គ្លេស)។
G FUND មានការឧបត្ថម្ភធំដោយ ភេសជ្ជៈប៉ូវកម្លាំងពិសេស G Park និងទឹកប្រទាល SUSUSI Aloe Vera ។ សូមចូលរួមទាំងអស់គ្នា ដើម្បីសាលារៀន១ខ្នង ! សំបុត្រអ្នក១សន្លឹក ស្មើរនឹងសាលារៀន១ខ្នង!