រឿង"សម្បថនិស្ស័យ"មានអត្ថន័យបំផុសស្មារតីកូនខ្មែរឲ្យស្រឡាញ់ធម្មជាតិ

2017-09-02 06:37:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញនេះផលិតកម្ម PR បានធ្វើពិធីក្រុងពាលីខ្សែភាពយន្តភាគរឿង"សម្បថនិស្ស័យ" ជាស្នាដៃថ្មីរបស់ខ្លួនមានគ្រប់រស់ជាតិទាំងស្នេហា និងការអប់រំនៅ ផ្អាវ ស្រុកបាធាយ ខេត្តកំពង់ចាម។

ព្រំ រដ្ឋា ចាងហ្វាងផលិតកម្មPR បានលើកឡើងថាភាពយន្តភាគរឿង "សម្បថនិស្ស័យ" គឺជាចំណែកមួយដែលជួយបំផុសស្មារតីកូនខ្មែរឲ្យចេះស្រឡាញ់សម្បត្តិធម្មជាតិ ព្រៃឈើ និងសត្វព្រៃ ព្រមទាំងថែរក្សាឲ្យនៅគង់វង្ស មិនត្រូវកាប់បំផ្លាញបរបាញ់។

ចាងហ្វាងផលិតកម្មខាងលើបន្ថែមថា៖" ចាសរឿង"សម្បថនិស្ស័យ" ជាប្រភេទរឿងអប់រំលាយឡំជាមួយឈុតឆាកស្នេហាទាក់ទងអ្នករស់នៅក្នុងទីក្រុង និងអ្នករស់នៅក្នុងព្រៃ ។ ប៉ុន្តែអ្នករស់នៅក្នុងព្រៃទទួលបានការញុះញង់ពីអ្នករស់នៅទីក្រុងនាំឲ្យពួកគាត់ទៅកាប់ឈើល្អៗយកទៅលក់ និងសត្វព្រៃយកទៅលក់ឲ្យឈ្មួញ។ ហើយមានអ្នកចេះដឹងមួយក្រុមដែលពួកគាត់ស្រឡាញ់ព្រៃឈើបានចុះទៅជួយអប់រំដល់ពួកគាត់"។

រឿង"សម្បថនិស្ស័យ" មាន៥០ គ្រោងនឹងដំណើរការថតរយៈពេល៥ ទៅ ៦ ខែទើបដាក់បញ្ចាំងនៅទូរទស្សន៍បាយ័ន នៅអំឡុង ខែ២ ឬ ខែ ៣ ឆ្នាំ២០១៨ ខាងមុខនេះ។ ចំណែកឯទីតាំងថតមាននៅខេត្តខេត្តកំពង់ចាម និងមណ្ឌលគីរី៕