ចង់ល្បី! យុវជន៣នាក់ ឡើងអង់តែនលើដំបូលអគារ៨៨ជាន់ ដើម្បីថត Selfie លទ្ធផលស្មានមិនដល់
- 2017-09-03 07:03:40
- ចំនួនមតិ 0 | ចំនួនចែករំលែក 0
ចង់ល្បី! យុវជន៣នាក់ ឡើងអង់តែនលើដំបូលអគារ៨៨ជាន់ ដើម្បីថត Selfie លទ្ធផលស្មានមិនដល់
ចន្លោះមិនឃើញ
យុវជន៣នាក់សញ្ជាតិហុងកុង អាចប្រឈមនឹងទោសទណ្ឌនៅថៃ បន្ទាប់ពីពួកគេបានឡើងអង់តែនលើដំបូលអគារ Baiyoke Tower II ដែលមានកម្ពស់៨៨ជាន់ ជាចំណុចខ្ពស់បំផុតមួយនៅទីក្រុងបាងកក ដើម្បីថតរូប Selfie។ បើតាមការចុះផ្សាយរបស់ Coconuts Bangkok ម្សិលមិញ។
អ្នកគ្រប់គ្រងអគារ Baiyoke Tower II កំពុងពិនិត្យមើលនីតិវិធីច្បាប់ ដើម្បីប្តឹងក្មេងជំទង់ទាំង៣នាក់ បន្ទាប់ពីពួកគេឡើងលើអង់តែនដំបូលអាគារ ថតSelfie កាលពីថ្ងៃទី២៦ ខែសីហា ដែលគេទើបដឹងបន្ទាប់រូបភាពនោះត្រូវគេបង្ហោះលើគណនី Instagram ដែលម្នាក់ក្នុងចំណោមពួកគេមានឈ្មោះ Samuel Chan ខណៈ២នាក់ទៀតពុំទាន់កំណត់បាននូវអត្តសញ្ញាណនៅឡើយ។
មិនអស់ចិត្ត ពួកគេទាំង៣បានឡើងលើអង់តែនផ្សារទំនើប Terminal 21 ទៀតដើម្បីបន្តថត Selfie ហើយរូបថតទាំង២សន្លឹកនេះ មានអ្នក Likes លើ Instagram ដល់ទៅជាង ៦ ០០០ ប៉ុន្តែគេមិនទាន់ច្បាស់នៅឡើយថា ដោយសារការ Likes នេះនឹងធ្វើឲ្យពួកគេត្រូវជាប់ពន្ធនាគារឬយ៉ាងណា? ប្រភពខាងលើបន្ត៕