ក្រសួងពីរសហការគ្នាចុះបញ្ជីតំបន់ការពារធម្មជាតិ
- 2017-09-04 07:47:50
- ចំនួនមតិ 0 | ចំនួនចែករំលែក 0
ក្រសួងពីរសហការគ្នាចុះបញ្ជីតំបន់ការពារធម្មជាតិ
ចន្លោះមិនឃើញ
ក្រសួងបរិស្ថាន និងក្រសួងដែនដីកំពុងសហការគ្នាចុះបញ្ជីតំបន់ការពារធម្មជាតិចំនួនពីរកន្លែងលើផ្ទៃដីជាងពីរសែនហិកតា ដោយថាដើម្បីធានាប្រសិទ្ធិភាពគ្រប់គ្រងដែលជម្រកសត្វព្រៃ និងតំបន់ការពារធម្មជាតិ។
នៅថ្ងៃនេះក្រសួងបរិស្ថានចេញសេចក្តីប្រកាសព័ត៌មានមួយដោយបានបញ្ជាក់ថាក្រសួងទាំងពីកំពុងសហការគ្នាចុះបញ្ជីដែនជម្រកសត្វព្រៃពាមក្រសោប នៅក្នុងខេត្តកោះកុង និងដែនជម្រកសត្វព្រៃភ្នំព្រេចក្នុងខេត្តមណ្ឌលគិរី។ បើតាមក្រសួងបរិស្ថានផ្ទៃដីដែនជម្រកសត្វព្រៃទាំងពីរមានទំហំ២៦៤ ២៥០ ហិកតា ហើយការចុះបញ្ជីនេះស្ថិតក្រោមការគាំទ្រផ្នែកថវិកាដោយធនាគារអភិវឌ្ឍន៍អាស៊ី(ADB) ចំនួន ១,២៥លានដុល្លារ។
ក្រសួងសរសេរថាៈ «ការចុះបញ្ជីដីរដ្ឋសម្រាប់តំបន់ការពារធម្មជាតិគឺជាយុទ្ធសាស្រ្តថ្មីមួយ ដើម្បីប្រសិទ្ធិភាពគ្រប់គ្រងប្រព័ន្ធការពារធម្មជាតិនៅកម្ពុជា ដែលមានវិសាលភាពគ្របដណ្តប់លើផ្ទៃសរុបប្រមាណជា៧,៥លានហិកតា ស្មើនឹង៤១ភាគរយនៃផ្ទៃដីប្រទេសកម្ពុជា...និងឈានទៅដល់ការលុបបំបាត់ទាំងស្រុងនូវករណីទំនាស់ដីធ្លីក្នុងតំបន់ការពារធម្មជាតិ»។
បើតាមក្រសួងបរិស្ថាន គម្រោងនេះនឹងចាប់ផ្តើមនៅពេលឆាបៗខាងមុខនេះ៕