Zidane ដាក់យុវជន Real ជាច្រើនចូលបញ្ជី២៥នាក់សម្រាប់ពាន UCL
- 2017-09-05 04:10:02
- ចំនួនមតិ 0 | ចំនួនចែករំលែក 0
Zidane ដាក់យុវជន Real ជាច្រើនចូលបញ្ជី២៥នាក់សម្រាប់ពាន UCL
ចន្លោះមិនឃើញ
Zinedine Zidane បានដាក់កីឡាករវ័យក្មេងជាច្រើនយ៉ាងគួរឲ្យភ្ញាក់ផ្អើលក្នុងបញ្ជីឈ្មោះកីឡាករទាំង២៥នាក់របស់ Real Madrid សម្រាប់ប្រកួតប្រជែងពាន UEFA Champions League។
កីឡាករថ្មីៗដែលអ្នកចាត់ការសញ្ជាតិបារាំងដាក់ឈ្មោះក្នុងក្រុមធំមានដូចជា Luca Zidane, Dani Gemez, Oscar Rodriguez, Luismi Quezada Alvaro Tejero, Manu Hernando, Achraf Hakimi និង Franchu។ ដោយឡែកប្រធានក្រុមឈុតយុវជន Jose Leon ក៏មានឈ្មោះផងដែរបើទោះជាមិនធ្លាប់លេងឲ្យក្រុម Real Madrid សូម្បីក្នុងការប្រកួតមិត្តភាពក៏ដោយ។
ក្រោមការដឹកនាំរបស់បុរសវ័យ ៤៥ឆ្នាំគេសង្កេតឃើញថា Real Madrid បានផ្ដល់ឱកាសច្រើនដល់យុវជនរបស់គេខុសប្លែកពីអតីតកាលដែលក្រុមមួយនេះតែងចំណាយលុយកប់ពពកយក Super Star ល្បីៗមកចូលរួម។
យ៉ាងណាក៏ដោយ បញ្ជីឈ្មោះ២៥នាក់ខាងលើគឺសម្រាប់ការប្រកួតវគ្គក្នុងពូល Champions League ប៉ុណ្ណោះ មានន័យថា Zidane នៅតែអាចរុះរើក្រុមសម្រាប់វគ្គបន្ទាប់នៅក្រោយចប់ពិធីបុណ្យណូអែលរបស់ទ្វីបអឺរ៉ុប៕