នារីម្នាក់ស្រក់ទឹកភ្នែក ក្រោយដឹងមូលហេតុ ឪពុកខ្លួនពាក់អាវដដែល អស់២០ឆ្នាំ
- 2017-09-06 08:07:19
- ចំនួនមតិ 0 | ចំនួនចែករំលែក 0
នារីម្នាក់ស្រក់ទឹកភ្នែក ក្រោយដឹងមូលហេតុ ឪពុកខ្លួនពាក់អាវដដែល អស់២០ឆ្នាំ
ចន្លោះមិនឃើញ
រឿងរ៉ាវបុរសជនជាតិជប៉ុនម្នាក់ ដែលពាក្យអាវដដែលអស់រយៈពេលជាង ២០ ឆ្នាំ កំពុងធ្វើឲ្យមនុស្សជាច្រើន ជាពិសេសអ្នកនិយមប្រើប្រាស់បណ្ដាញសង្គម ស្រស់ទឹកភ្នែកស្ទើរគ្រប់គ្នា។
អ្នកប្រើប្រាស់បណ្ដាញសង្គម Twitter ម្នាក់មានឈ្មោះថា Ria បានបង្ហោះរូបថត ដោយភ្ជាប់ជាមួយរឿងរ៉ាវរបស់ឪពុកនាង ឲ្យមនុស្សគ្រប់គ្នាបានដឹង។
នាង Ria បានបង្ហើបឲ្យដឹងថា នាងបានរកឃើញហេតុផលដោយចៃដន្យ ដែលឪពុករបស់នាងពាក់តែអាវដដែល អស់រយៈពេលជាង ២០ ឆ្នាំ។ កាលពីខែមុន នាងបានប្រទះឃើញរូបថតពេលទៅក្រេបទឹកឃ្មុំរបស់ឪពុកម្ដាយនាង។
ពេលនោះ ឪពុកនាងបានពាក់អាវយឺត ម៉ាក Polo ដែលមានពណ៌ឆ្លាស់គ្នា ជាមួយនឹងអាវម្ដាយនាង។ ម្ដាយរបស់ Ria បានស្លាប់កាលពី ១៨ ឆ្នាំមុន ដោយសារតែជំងឺមហារីក។ ប៉ុន្តែ អាវ Polo នោះ បានផ្ទុកនូវការចងចាំពិសេស នៃដំណើរកម្សាន្តក្រេបទឹកឃ្មុំ សម្រាប់ឪពុករបស់នាង។
មុនពេលដឹងរឿងរ៉ាវនេះ នាង Ria ធ្លាប់បានងឿងឆ្ងល់ថា «ហេតុអ្វីគាត់តែងពាក់អាវចាស់នោះ? ហេតុអ្វីគាត់មិនទិញអាវថ្មី?»។ នារីរូបនេះបានបន្ថែមថា «ខ្ញុំមិនដែលគិតដល់សោះថា អាវនោះមានផ្ទុកនូវការចងចាំដ៏ពិសេសសម្រាប់គាត់បែបនេះ»។ «នៅពេលអាវនោះរហែក គាត់តែងតែដេរវាយ៉ាងប្រុងប្រយ័ត្នវិញ។ គាត់ពាក់វានៅរាល់ពេលវេលាពិសេស»។ នាងបានបន្ត។
បន្ទាប់ពីបានដឹងរឿងរ៉ាវទាំងស្រុង នាងបានសារភាពថា អារម្មណ៍របស់នាងចំពោះអាវយឺតនោះ បានផ្លាស់ប្ដូរយ៉ាងខ្លាំង។ មិនតែប៉ុណ្ណោះ នាងក៏បានយល់ដឹងពីការស្រលាញ់ និងការចងចាំរបស់មនុស្សជាទីស្រលាញ់ផងដែរ៕
ចុចអាន៖