រដ្ឋាភិបាលកំណត់ឲ្យមានថ្ងៃទិវាជាតិអប់រំបច្ចេកទេសវិជ្ជាជីវៈ
- 2017-09-07 01:52:11
- ចំនួនមតិ 0 | ចំនួនចែករំលែក 0
រដ្ឋាភិបាលកំណត់ឲ្យមានថ្ងៃទិវាជាតិអប់រំបច្ចេកទេសវិជ្ជាជីវៈ
ចន្លោះមិនឃើញ
រដ្ឋាភិបាលកំណត់យកថ្ងៃទី១៥ ខែមិថុនា ជាថ្ងៃ «ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ» ដោយថាដើម្បីលើកកំពស់ការអប់រំបណ្តុះបណ្តាលជំនាញ និងវិជ្ជាជីវៈ និងផ្សព្វផ្សាយពីសារៈសំខាន់នៃការការអប់រំលើវិស័យនេះ។
កាលពីម្សិលមិញប្រមុខរាជារដ្ឋាភិបាល សម្តេច ហ៊ុន សែន បានចេញអនុក្រឹត្យមួយដោយកំណត់យកកាលបរិច្ឆេតនេះជារៀងរាល់ឆ្នាំសម្រាប់ប្រារព្វទិវាអប់រំបណ្តុះបណ្តាលបច្ចេកទេស និងវិជ្ជាជីវៈ។
បើតាមរដ្ឋាភិបាលទិវានេះធ្វើឡើងដើម្បីអប់រំ ផ្សព្វផ្សាយដល់សិស្សានុសិស្ស យុវជន មាតាបិតាសិស្ស ឲ្យបានយល់ដឹងពីសារៈសំខាន់នៃជំនាញបច្ចេកទេស វិជ្ជាជីវៈនេះ។ ក្នុងអនុក្រឹត្យសរសេរទៀតថាៈ «(ដើម្បី)ជំរុញការអភិវឌ្ឍកម្លាំងពលកម្មជំនាញប្រកបដោយគុណភាព និងប្រសិទ្ធភាព ឆ្លើយតបទៅនឹងតម្រូវការទីផ្សារការងារទាំងនៅក្នុង និងក្រៅប្រទេស»។
បើតាមអនុក្រឹត្យ ក្រសួងការងារ ត្រូវហការជាមួយក្រសួងអប់រំ និងស្ថាប័នពាក់ព័ន្ធមួយចំនួនទៀតដើម្បីរៀបចំទិវានេះជារៀងរាល់ឆ្នាំ៕