អ្នកគាំទ្រ ១០០នាក់ដំបូង អាចទស្សនារឿង "មុនដំបូងខ្មែរក្រហមសម្លាប់ប៉ារបស់ខ្ញុំ" តាមវិធីនេះ

2017-09-07 04:10:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តខ្នាតធំ រំលេចចេញពីស្ថានភាពជាក់ស្ដែងរបស់ប្រទេសកម្ពុជា ក្នុងរបបកម្ពុជាប្រជាធិបតេយ្យ "មុនដំបូងខ្មែរក្រហមសម្លាប់ប៉ារបស់ខ្ញុំ" ឬ "First They Killed My Father" នឹងដាក់បញ្ចាំងជាផ្លូវការចាប់ថ្ងៃស្អែកនេះតទៅ។

អ្វីដែលកាន់តែពិសេសនោះ គឺសម្រាប់ប្រជាជនខ្មែរដែលកាន់អត្តសញ្ញាណប័ណ្ណឆ្នាំកំណើតមុន១៩៧៥ ចំនួន១០០នាក់ដំបូងអាចចូលរួមទស្សនារឿងខាងលើ ដោយឥតគិតថ្លៃ នៅរោងភាពយន្ត Major Cineplex by Cellcard ។ នេះបើតាមសេចក្ដីប្រកាសរបស់ទំព័រផ្លូវការ នៃរោងភាពយន្តទំនើបនេះ ហើយកម្មវិធីពិសេសនេះមានត្រឹមតែមួយថ្ងៃប៉ុណ្ណោះ។

គួររំលឹកថា រឿងដែលសម្រួលចេញពីការចងចាំដ៏ឈឺចាប់របស់កុមារីម្នាក់ ដែលបានរួចផុតជីវិតពីរបបខ្មែរក្រហមនេះ នឹងដាក់បញ្ចាំងជូនទស្សនា នៅគ្រប់រោងភាពយន្ត ចាប់ពីថ្ងៃទី០៨ ខែកញ្ញាស្អែកនេះ នៅគ្រប់រោងភាពយន្តទំនើប និងត្រៀមចេញជាផ្លូវការលើសេវាកម្មកម្សាន្ត Netflix នៅថ្ងៃទី ១៥ ខែកញ្ញា ឆ្នាំ២០១៧ ខាងមុខនេះតទៅ៕

ទស្សនាវីដេអូសកម្មភាពថតរឿង៖