រឿងតៃវ៉ាន់លំនាំ "ម្ចាស់ព្រះអាទិត្យ" ធ្វើឲ្យអ្នកមើលអន់ចិត្តស្ដូកនិយាយលែងចេញ!

2017-09-07 23:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តភាគតៃវ៉ាន់មានចំណងជើងថា "Always Be With You” ដែលជាភាពយន្តយកលំនាំតាមរឿងកូរ៉េដ៏ល្បី "Descendants Of The Sun” កំពុងត្រូវបានមហាជនអន់ចិត្តស្ដូក និងរិះគន់ជាខ្លាំងពេញប្រទេស។

ដោយសាររឿងដើមមានការគាំទ្រភ្លូកទឹកភ្លូកដី ពាសពេញទ្វីបអាស៊ី ជាហេតុនាំឲ្យរឿងថ្មីរបស់តៃវ់ាន់មួយនេះរំពឹងដែរ ថានឹងអាចជោគជ័យដែរ ប៉ុន្តែស្រាប់តែភ្លាមៗអ្នកទស្សនានាំគ្នា សម្ដែងការមិនពេញចិត្ត ក្រោយរឿងដាក់បញ្ចាំងដំបូងកាលពីថ្ងៃទី ០២ ខែកញ្ញាកន្លងទៅ។

រឿង "Descendant Of The Sun”

រឿង "Always Be With You"

ងាកមកខ្ទង់ចំណាយវិញ រឿង "Descendant Of The Sun” បានចំណាយដល់ទៅ ៦សែនដុល្លារជាងក្នុងមួយភាគៗ ព្រោះត្រូវថតឲ្យដូចពិតៗ ជាពិសេសត្រូវផ្ដិតយកទេសភាពនៅក្រៅប្រទេសទៀត អ្វីដែលសំខាន់គឺ ឈុតឆាកប្រយុទ្ធដ៏អស្ចារ្យក្នុងប្រទេសក្រិកទៀត។ ផ្ទុយពីនេះ រឿង "Always Be With You” វិញបានចំណាយត្រឹមតែជិត ៥សែនដុល្លារទេ សម្រាប់រឿងទាំងមូលតែម្ដង។ ដូចនេះ វាច្បាស់ណាស់ ទាំងបច្ចេកទេស និងគុណភាពរឿងគឺមិនទាន់ឥតខ្ចោះដូចរឿងដើមទេ។

តួកូរ៉េ និងតួតៃវ៉ាន់

ចំណុចដែលគួរកត់សម្គាល់មួយទៀតគឺ តួសម្ដែង។ តួប្រុសក្នុងរឿងតៃវ៉ាន់ គឺអតីតតារាម៉ូដែល Allen Chen ដែលត្រូវដើរតួជាកងកម្លាំងពិសេសក្នុងជួរយោធា។ ថ្វីត្បិតស្រស់សង្ហា ប៉ុន្តែរូបរាងរបស់ Allen មិនសូវសម និងអង់អាចដូច តារាកូរ៉េ Song Joong Ki ទេ។ បកមកតួឯកស្រី ដែលសម្ដែងដោយ នាង Phoebe Yuan ត្រូវប្ដូរពីពេទ្យវះកាត់ មកជាគ្រូតន្ត្រីវិញ។ យោងតាមព័ត៌មាន បានបង្ហាញថាការផ្លាស់ប្ដូរនេះ អាចបណ្ដាលមកពីកញ្ចប់ថវិកាមានកម្រិត។

Song Hye Kyo

Phoebe Yuan

ជាក់ស្ដែងក្នុងឈុតមួយក្នុងរឿងដើម តួស្រី Kang Mo-Yeon (Song Hye Kyo) ត្រូវក្រុមភេរវជនចាប់ជំរិត និងមានបំពាក់គ្រាប់បែកជុំវិញខ្លួន ខណៈរឿងតៃវ៉ាន់ (Always Be With You) តួឯកស្រី Jia Yun Xi (Phoebe Yuan) មានការគំរាមកំហែងសម្លាប់ត្រឹម សម ប៉ុណ្ណោះ។