ជិះឡានម៉ូតូរាល់ថ្ងៃ តិចអត់ដឹងប្រេងម៉ាស៊ីនដំណើរការយ៉ាងមិច?

2017-09-08 02:14:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តប្រហែលដឹងហើយថាម៉ាស៊ីនរថយន្ត ម៉ូតូ និងគ្រឿងចក្រនានា គឺចាំបាច់បំផុតតម្រូវឲ្យប្រើប្រាស់ជាមួយប្រេងតាមប្រភេទផ្សេងៗ។ ចុះប្រិយមិត្តធ្លាប់ឆ្ងល់ទេថា តើប្រេងម៉ាស៊ីនមានដំណើរការ ក៏ដូចជាមុខងារយ៉ាងមិច?

អ្វីជាប្រេងម៉ាស៊ីន?

ប្រេងម៉ាស៊ីនជាសារធាតុរំអិលមួយប្រភេទដែលប្រើប្រាស់សម្រាប់ជួយដល់សមាសធាតុសំខាន់ៗធ្វើការបម្លាស់ទី ដែលអាចមើលឃើញក្នុង Internal Combustion Engine។ វាក៏ជួយការពារកុំឲ្យច្រេះ និងរក្សាម៉ាស៊ីនឲ្យនៅត្រជាក់កំឡុងពេលប្រើប្រាស់។ ប្រេងនេះបង្កើតឡើងដោយធាតុពីរសំខាន់ គឺ Base stock និង Additives។

Base stock ធម្មតាបង្កើតបាន ៩៥% នៃដំណោះស្រាយ ហើយបានមកពី ប្រេងឥន្ធនៈ ឬសារធាតុគីមីសំយោគ (Synthetic) ក៏ដូចជាល្បាយទាំងពីរធាតុនេះ។ ការងារសំខាន់របស់ Base stock គឺសម្រួល (ឲ្យរអិល) ក្នុងការបម្លាស់ទីផ្នែកជាច្រើនរបស់ម៉ាស៊ីន ហើយបន្ថយកម្ដៅដែលកើនឡើង។
Additives ដែលមានក្នុងប្រេងម៉ាស៊ីនទទួលខុសត្រូវក្នុងការគ្រប់គ្រងលើវត្ថុរាវក្រាស់ និងរលោងប៉ុណ្ណា ហើយក៏ការពារផ្នែករបស់ម៉ាស៊ីនកុំឲ្យឡើងស្នឹមផងដែរ។

តើប្រេងម៉ាស៊ីនដំណើរការយ៉ាងដូចម្ដេច?

ពេលប្រេងម៉ាស៊ីនចាក់ចូលក្នុងម៉ាស៊ីនតាមរយៈច្រកចូលដែលសមរម្យ (Oil pan) វានឹងឆ្លងកាត់ផ្នែកជាច្រើនដែលត្រូវការប្រេងរំអិលញឹកញាប់។ ផ្នែកទាំងនេះរួមមាន Pickup tube, engine oil pump, oil filter, pressure relief valve, the spurt holes និង The sump។ ខណៈពេលដែលការងាររបស់ប្រេងរក្សានូវបម្លាស់ទីផ្នែកជាច្រើនរបស់ម៉ាស៊ីន វាអាចសម្រេចការងារនេះដោយបំពេញភារកិច្ចមួយចំនួន កំឡុងពេលវាកើតមានក្នុងប្រព័ន្ធម៉ាស៊ីន។ ប្រេងដំបូងប្រឡាក់នូវផ្នែកបម្លាស់ទីជាច្រើនក្នុងម៉ាស៊ីន ដូច្នេះពេលវាប៉ះនឹងផ្នែកដទៃទៀត វានឹងរអិលជៀសជាងបុកគ្នា ដែលអាចធ្វើឲ្យមានសំឡេងរំខានខ្លាំង និងសឹករិចរិលផ្នែកជាច្រើនដោយការកកិតខ្លាំង។ ប្រេងម៉ាស៊ីនក៏ជួយសំអាត ធូលី និងកម្ទេចកំទីដែលកើតមានក្នុងផ្នែកទាំងនោះផងដែរ។ នេះជាហេតុផលដែលតម្រងប្រេងរថយន្តជាផ្នែកដ៏សំខាន់ ដែលត្រូវការផ្លាស់ប្ដូរឲ្យបានទៀងទាត់។

ហេតុអ្វីបានជាការផ្លាស់ប្ដូរប្រេងម៉ាស៊ីនជាកត្តាសំខាន់?

វាសំខាន់ណាស់ក្នុងការផ្លាស់ប្ដូរប្រេងម៉ាស៊ីន និងតម្រងប្រេងម៉ាស៊ីនក្នុងរថយន្ត ព្រោះពេលប្រើប្រាស់យូរទៅ ប្រេងនឹងខូចទ្រង់ទ្រាយ ហើយតម្រងនឹងស្ទះដោយភាពកខ្វក់។ ប្រសិនបើអ្នកប្រើយូរពេកដោយមិនផ្លាស់ប្ដូរ នោះប្រេងម៉ាស៊ីននឹងមិនបំពេញការងារបានល្អនោះទេក្នុងការរក្សាការបម្លាស់ទីផ្នែកជាច្រើនរបស់ម៉ាស៊ីន ហើយកម្ទេចកំទីអាចមានជាប់នឹងផ្នែកទាំងនោះផងដែរ។ ហេតុផលនេះហើយដែលម៉ាស៊ីននឹងឈប់ដំណើរការល្អដូចមុន ហើយយានយន្តនឹងមិនអាចទៅមុខបានទេ។ ការផ្លាស់ប្ដូរប្រេងម៉ាស៊ីន និងតម្រងប្រេងក្នុងរថយន្តអាស្រ័យលើកត្តាជាច្រើនរួមមានប្រភេទរថយន្តដែលអ្នកប្រើប្រាស់ ការប្រើប្រាស់រថយន្តញឹកញាប់ប៉ុណ្ណា ដែលជាទូទៅគេតែងប្ដូរប្រេងក្រោយប្រើចម្ងាយ ៣០០០ គីឡូម៉ែត្រ ដល់ខ្ទង់ម៉ឺនអាស្រ័យលើប្រភេទប្រេងដែលប្រើប្រាស់៕