iPhone 7 Plus ពណ៌ Jet Black ប្រើបានមួយឆ្នាំ ឆ្កូតមើលមិនយល់
- 2017-09-08 23:38:00
- ចំនួនមតិ 0 | ចំនួនចែករំលែក 0
iPhone 7 Plus ពណ៌ Jet Black ប្រើបានមួយឆ្នាំ ឆ្កូតមើលមិនយល់
ចន្លោះមិនឃើញ
គិតមកទល់ពេលនេះមានរយៈពេល ១ ឆ្នាំហើយដែល iPhone 7/7 Plus បានបង្ហាញខ្លួនលើពិភពលោក។ ក្រឡេកទៅពេលនោះពណ៌ Jet Black ទទួលបានការពេញនិយមខ្លាំងជាងគេក្នុងចំណោមពណ៌ទាំង ៥។
ម្ចាស់ iPhone 7 Plus ពណ៌ Jet Black មួយរូបបានចែករំលែកពីសភាពស្មាតហ្វូននេះក្រោយប្រើបានមួយឆ្នាំ។ គាត់បានរៀបរាប់ថា ដំបូងគឺគាត់បានថែទាំង iPhone 7 Plus ពណ៌ខ្មៅរលោងនេះយ៉ាងហ្មត់ចត់បំផុត ដោយបានប្រើសម្បកការពារតាមការណែនាំរបស់ Apple។ ប៉ុន្តែទោះខំថែយ៉ាងណា ពី-បី ថ្ងៃក្រោយក៏មានស្នាមឆ្កូតតូចៗនៅគែមទូរសព្ទ ហេតុនេះគាត់ក៏លែងថែទាំស្មាតហ្វូនសំណប់ចិត្តដូចមុនទៀត។
ប្រើបានមួយឆ្នាំផ្នែកខាងក្រោយ iPhone 7 Plus បើមើលពីចម្ងាយនៅតែស្អាតទាក់ភ្នែក ប៉ុន្តែបើមើលឲ្យជិតឃើញមានពោរពេញដោយស្នាមឆ្កូតស្ទើរគ្រប់ទីកន្លែងទៅហើយ។ ជាមួយនឹង iPhone ពណ៌ Jet Black នេះ Apple ក៏ធ្លាប់ដាស់តឿនដែរថាវាជាពណ៌ងាយឆ្កូតបំផុត ហើយថែមទាំងណែនាំឲ្យប្រើសម្បកការពារផងដែរ៕