ចូលរួមត្រេកអរ! ស៊ន សៀវម៉ី ក្លាយជាទូតសុឆន្ទៈ Adidas ប្រចាំកម្ពុជា

2017-09-08 10:13:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីតេក្វាន់ដូជម្រើសជាតិកម្ពុជា ស៊ន សៀវម៉ីត្រូវបានក្រុមហ៊ុន Adidas ជ្រើសរើសជាទូតសុឆន្ទៈ ឬតំណាងផ្សព្វផ្សាយប្រចាំនៅប្រទេសកម្ពុជា។ ដំណឹងនេះត្រូវបានទម្លាយជាផ្លូវការនាព្រឹកថ្ងៃសុក្រ ទី៨ ខែកញ្ញា ឆ្នាំ២០១៧នេះ។

លោក ញ៉ាណ សុខវិសាល (ឆ្វេងទី១) ស៊ន សៀវម៉ី និងតំណាងក្រុមហ៊ុន (រូបថត៖ សៀវម៉ី)

លោក ញ៉ាណ សុខវិសាល មន្រ្តីរបស់គណៈកម្មាធិការជាតិអូឡាំពិកកម្ពុជាដែលចូលរួមពិធីចុះហត្ថលេខានេះថា វីរនារី ស៊ន សៀវម៉ីបានចុះហត្ថលេខាធ្វើជាទូតសុឆន្ទៈរយៈពេលមួយឆ្នាំគិតចាប់ថ្ងៃសៅរ៍ ទី៩ ខែកញ្ញានេះទៅនេះ។ កីឡាការិនីកម្ពុជារូបនេះទទួលបានអត្ថប្រយោជន៍ច្រើនដូចជា ទទួលបានសម្ភារៈ និងខោអាវកីឡាដ៏ល្បីនេះសម្រាប់ការហ្វឹកហាត់ និងប្រកួតរយៈពេលពេញមួយឆ្នាំដែលអាចមានតម្លៃសរុបប្រហែលជា១ម៉ឺនដុល្លារអាមេរិក។

លោកបញ្ជាក់ថា ប្រសិនបើមានការថតស្ប៉តផ្សាយពាណិជ្ជកម្ម ឬចូលរួមកម្មវិធីអ្វីផ្សេង ស៊ន សៀវម៉ីនឹងទទួលបានតម្លៃខ្លួនផ្សេង។

កីឡាការិនីជម្រើសជាតិកម្ពុជា ស៊ន សៀវម៉ី ទើបឈ្នះមេដាយមាសក្នុងព្រឹត្តិការណ៍កីឡាស៊ីហ្គេមនៅប្រទេសម៉ាឡេស៊ីកាលពីពេលថ្មីៗនេះ។ នាពេលដ៏ខ្លីខាងមុខនេះកីឡាការិនីរូបនេះនឹងធ្វើដំណើរទៅប្រទេស Asian Indoor and Martial Arts Games ចាប់ពីថ្ងៃទី១៧ដល់២៧ ខែកញ្ញាឆ្នាំ២០១៧នៅប្រទេសទួរមេនីស្ថាន៕