មិនធម្មតាទេ Jaguar Land Rover បោះជំហានក្នុងវិស័យរថយន្តអគ្គិសនីទៀតឥឡូវ
- 2017-09-08 12:13:02
- ចំនួនមតិ 0 | ចំនួនចែករំលែក 0
មិនធម្មតាទេ Jaguar Land Rover បោះជំហានក្នុងវិស័យរថយន្តអគ្គិសនីទៀតឥឡូវ
ចន្លោះមិនឃើញ
ក្រុមហ៊ុនអង់គ្លេស Jaguar Land Rover (JLR) និយាយកាលពីថ្ងៃ ព្រហស្បតិ៍ ថា ខ្លួននឹងផលិតរថយន្តអគ្គិសនី ឬម៉ូដែល hybrid ចាប់ពីឆ្នាំ ២០២០តទៅ។
JLR Group គឺជាក្រុមហ៊ុនចុងក្រោយគេដែលចាប់យកការផ្លាស់ប្ដូរពីម៉ាស៊ីនចំហេះ ហើយវាក៏ជាការទាមទារស្នើសុំពីរដ្ឋាភិបាលបន្ទាប់ពីកិច្ចព្រមព្រៀងអាកាសធាតុក្រុងប៉ារីស ។ នាយកប្រតិបត្តិរបស់ JLR លោក Ralf Speth និយាយថា៖ <<យើងនឹងណែនាំផលិតផលអគ្គិសនីមានគ្រប់ម៉ូដែលនិងរថយន្តកូនកាត់ hybrid និង hybrid ធន់តូច>> ។ ដោយឡែកនៅឆ្នាំក្រោយក្រុមហ៊ុន នឹងផលិតរថយន្តអគ្គិសនីប្រភេទ SUV គឺ Jaguar I-Pace ។ ប្រព័ន្ធផ្សព្វផ្សាយអង់គ្លេសថា ការផ្តោតសំខាន់លើការផលិតរថយន្តអគ្គិសនីនឹងធ្វើឡើងក្នុងអង់គ្លេសដែលភាគច្រើននៃសង្វាក់ផលិតកម្មរបស់ខ្លួននៅទីនោះដែលអាចបង្កើតការងារ ១០ ០០០ ប្រភេទក្នុងប្រទេសផងដែរ ។ កាលពីឆ្នាំ ២០១៦ ក្រុមហ៊ុនគ្រប់គ្រងដោយក្រុមហ៊ុនមេ Tata Motors ប្រាប់ AFP ថា ខ្លួនចង់បង្កើនការផលិតរថយន្តទូទាំងពិភពលោកនាពេលអនាគត ។
ប្រទេសបារាំងនិងអង់គ្លេស ប្រទេសទាំងពីរនេះទើបតែលើកឡើងកាលពីពេលថ្មីៗនេះថា ពួកគេនឹងបញ្ចប់ការលក់រថយន្តប្រើសាំង និងម៉ាស៊ូតនៅឆ្នាំ ២០៤០ ដើម្បីចូលរួមចំណែកកាត់បន្ថយជាតិពុល NO2 ក្នុងបរិយាកាស ។ រយៈពេលប៉ុន្មានឆ្នាំចុងក្រោយនេះរថយន្តអគ្គិសនីត្រូវបានក្រុមហ៊ុនឧស្សាហកម្មរថយន្តធំៗចាប់អារម្មណ៍គ្រប់គ្នាដូចជាក្រុមហ៊ុនស៊ុយអែត Volvo, Aston Martin, BMW, Hyundai, Audi និងក្រុមហ៊ុនមួយចំនួនទៀត ។ រថយន្តអគ្គិសនីគឺជារថយន្តដែលត្រូវបានផ្ដល់ថាមពលជំរុញដោយម៉ូទ័រអេឡិចត្រូនិកមួយឬក៏ច្រើនជាងនេះដោយប្រើប្រាស់ថាមពលអគ្គិសនីរក្សាទុកក្នុងអាគុយរបស់វា ៕