វែន ហុងជីវុង មានក្ដីស្រមៃចង់ល្បីដូច «Idol ឃីម ឌីម៉ា»

2017-09-11 08:15:41
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីក្លឹបកងកេងមានរិទ្ធខេត្តបាត់ដំបង វែន ហុងជីវុង ប្ដេជ្ញាចិត្តនឹងខំប្រឹងដើម្បីល្បីឈ្មោះឲ្យដូចម្ចាស់មេដាយមាសស៊ីហ្គេម២០១៧ ឃីម ឌីម៉ា នៅពេលខាងមុខនេះ។

កីឡាករ វែន ហុងជីវុង ក្រហម

វែន ហុងជីវុង បានឲ្យដឹងថា ក្នុងចំណោមកីឡាករប្រដាល់គុនខ្មែរទាំងអស់ គេស្រឡាញ់ និងពេញបំផុតនោះគឺជើងខ្លាំងដែលទើបឈ្នះមេដាយស៊ីហ្គេមថ្មីៗនេះ ឃីម ឌីម៉ា ជាងគេព្រោះស្នៀតប្រយុទ្ធធ្ងន់ ហើយច្បាស់តែម្ដង។ ក្ដីស្រមៃរបស់អ្នកប្រដាល់វ័យ២២ឆ្នាំខាងលើ ចង់មានកេរ្តិ៍ឈ្មោះល្បីនៅពេលខាងមុខ ហើយបច្ចុប្បន្ននេះ ខ្លួនចំណាយពេលច្រើនតែលើការហ្វឹកហាត់តែម្ដង។

កីឡាករ វែន ហុងជីវុង ក្រហម

អ្នកប្រដាល់មកពីបាត់ដំបងខាងលើបន្ថែមទៀតថា ដោយមានគោលដៅបែបនេះហើយ ទើបរូបគេព្យាយាមហ្វឹកហាត់ជាប្រចាំតែម្ដង ហើយបានការបង្ហាត់បង្ហាញពីបងប្រុសផងនោះ ជីវុង មិនហ៊ានប្រហែសនិងការហ្វឹកហាត់នោះទេ និងប្ដេជ្ញាតស៊ូប្រកួតឲ្យខ្លាំងបំផុតឆ្ពោះទៅដល់វគ្គផ្ដាច់ព្រ័ត្រពានរង្វាន់ Tv 5 Knock Out នេះ។

វែន ហុងជីវុង

វែន ហុងជីវុង ឡើងសង្វៀនបានជាង ៥០ដង មកហើយ បច្ចុប្បន្ននេះគេបានឈានទីវគ្គទី២ ឬវគ្គ១៦នាក់ហើយនាពានរង្វាន់ Tv5 Knock Out Series របស់សង្វៀនទូរទស្សន៍ប៉ុស្តិ៍លេខ៥ ក្រោយផ្ដួលអ្នកប្រដាល់ចាស់វស្សា ហ៊ឹម សារ៉ាន ឲ្យសន្លប់ក្នុងទឹកទី១ កាលពីថ្ងៃសៅរ៍ ទី៩ កញ្ញា ប៉ុន្មានថ្ងៃនេះ៕

អត្ថបទ៖ នួន ស៊ីណា