មកដឹងពីគោលបំណងរបស់សិស្សនិទ្ទេសA នៅតាមខេត្តម្តងមើល៍

2017-09-11 08:03:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយការទន្ទឹងរង់ចាំលទ្ធផលដោយអន្ទះសា យុវសិស្សពីរនាក់ដែលជាសិស្សនៅវិទ្យាល័យជាមួយគ្នាក្នុងខេត្តកំពតនៅព្រឹកនេះ បានដឹងហើយថាខ្លួនបានជាប់និទ្ទេសA ដែលថានេះជាអ្វីដែលជាសេចក្តីប៉ងប្រាថ្នា។

យុវសិស្ស គួន សេងសម្បត្តិ ប្រាប់អ្នកសារព័ត៌មាន Sabay ថាខ្លួនបានចាប់គិតក្នុងចិត្តតាំងពីថ្នាក់ទី១១មកម្លេះថានឹងខិតខំរៀនយកនិទ្ទេសA នេះឲ្យបាន។ ដូជបំណងប្រថ្នាយុវជនវ័យក្មេងរូបនេះពិតជាបានដូចបំណងមែន និងបានលំដាប់ពិន្ទុ៩៩,៦១៤។

សេងសប្បត្តិបន្តថាៈ «ខ្ញុំចង់មកសិក្សានៅសាកលវិទ្យាល័យភូមិន្ទភ្នំពេញ នៅដេប៉ាតឺម៉ង់សិក្សាអន្តរជាតិ»។

(យុវសិស្ស គួន សេងសម្បត្តិ ក្រោយដឹងលទ្ធផល)

ចំណែកយុវត្តី សាង គឹមហួយ វិញថាកញ្ញាពិតជាមានចិត្តរំភើបជាខ្លាំងក្រោយឃើញលទ្ធផលថាកញ្ញាបាន ទទួលនិទ្ទេស A នេះ។ «ខ្ញុំរៀបហូបបាយ ប៉ុន្តែមិត្តភក្តិប្រាប់ថាគេបិទលទ្ធផលហើយ ចឹងខ្ញុំក៏មកសាលាតែម្តង...មិនទាន់ដល់កន្លែងមើលឈ្មោះផងអ្នកគ្រូរត់មកប្រាប់ថាខ្ញុំជាប់ហើយបាននិទ្ទេស A»។ កញ្ញាបន្ថែម។

(យុវត្តី សាង គឹមហួយ ផ្តល់បទម្ភាសន៍ក្រោយដឹងលទ្ធផល)

កញ្ញា សាង គឹមហួយ បាននិទ្ទេស A លំដាប់ពិន្ទុ ៩៩,៦៩៦។ យុវត្តិវ័យក្មេងរូបនេះបញ្ជាក់ថាកញ្ញាចង់មករៀនត្រៀមនៅភ្នំពេញដើម្បីត្រៀមប្រឡងចូលរៀននៅសាកលវិទ្យាល័យវិទ្យាសាស្រ្តសុខាភិបាល ដោយថាទៅថ្ងៃអនាគតកញ្ញាចង់ក្លាយជាគ្រូពេទ្យ។

កាលពីឆ្នាំ២០១៦ ខេត្តកំពតមានសិស្សនិទ្ទេស A ចំនួន១១នាក់ និងនៅឆ្នាំនេះ ខេត្តជាប់សមុទ្រមួយនេះមានសិស្សជាប់និទ្ទេសA ចំនួន២១នាក់៕

អត្ថបទដោយ៖ គឹមសាយ