លេចធ្លាយកាមេរ៉ា Nikon D850 ប្រើ Sensor របស់ Sony
- 2017-09-12 07:21:19
- ចំនួនមតិ 0 | ចំនួនចែករំលែក 0
លេចធ្លាយកាមេរ៉ា Nikon D850 ប្រើ Sensor របស់ Sony
ចន្លោះមិនឃើញ
Nikon D850 ដែលជាកាមេរ៉ាប្រភេទ Full Frame ទើបបង្ហាញខ្លួនក្នុងទីផ្សារផលិតផលបច្ចេកវិទ្យាកាលពីពេលថ្មីៗនេះ ត្រូវគេរកឃើញថាមានបំពាក់មកជាមួយនូវ Sensor ចាប់រូបភាព ដែលជាផលិតផលរបស់ក្រុមហ៊ុន Sony។
បច្ចេកវិទ្យា Sensor ដែលមានបំពាក់លើកាមេរ៉ា Nikon D850 នោះ គឺជាប្រភេទ BSI-CMOS ឬ Dual-gain ដែលបច្ចេកវិទ្យានេះ ក៏មានបំពាក់នៅលើប្រភេទកាមេរ៉ា Mirrorless កម្រិតខ្ពស់របស់ Sony ដែលកំពុងអង្រួនទីផ្សារកាមេរ៉ាយ៉ាងគំហុក ក្នុងរយៈពេលប៉ុន្មានខែចុងក្រោយនេះ។
កាមេរ៉ា Nikon D850 អាចផលិតរូបភាពក្នុងកម្រិត ៤២,៧ មេហ្គាភិចសែល ជាមួយល្បឿនចាប់រូបភាពពី ៧ សន្លឹក ដល់ ៩ សន្លឹកក្នុងមួយវិនាទី ហើយក្នុងមួយ Buffer អាចផលិតរូបភាពប្រភេទ RAW បានដល់ទៅ ៥០ សន្លឹកពេលកំណត់ 14-bit lossless និងបានដល់ ១៧០ សន្លឹក ពេលកំណត់ 12-bit lossless។ កាន់តែទាក់ទាញ គឺ Nikon D850 មានចំណុចចាប់រូបភាពស្វ័យប្រវត្តិដល់ទៅ ១៥៣ គ្រាប់ ហើយសមត្ថភាពថតវីដេអូក៏កាន់តែពិសេស គឺបានដល់កម្រិត 8K និងថតទម្រង់ Slow Motion កម្រិត Full HD 1080p ល្បឿន ១២០fps៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអានបន្ត ៖