មុនមកបុណ្យភ្ជុំវិញ U18 កម្ពុជាយកឈ្នះលើក្រុម U18 ឡាវ ៤-១

2017-09-12 10:21:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងប្រកួតបង្គ្រប់កិច្ចពាន 2017 AFF U-18 Youth Championship ក្រុមបាល់ទាត់ក្រោមអាយុ១៨ឆ្នាំរបស់កម្ពុជា បានយកឈ្នះលើក្រុម U18 ប្រទេសឡាវក្នុងលទ្ធផល ៤-១។

កម្ពុជាធ្វើបានល្អមែនទែននៅតង់ទី១ ដោយបានគ្រប់គ្រងបាល់បានល្អ និងនាំមុន១គ្រាប់មុនទៅលើក្រុមឡាវ ប៉ុន្តែគួរឱ្យសោកស្ដាយប៉ុន្មាននាទីក្រោយមកប្រទេសគ្មានសមុទ្រមួយនេះអាចរកគ្រាប់បាល់បានស្មើវិញ។ ជិតចប់តង់ទី១ទៅហើយ កម្ពុជាដែលមានឱកាសច្រើននោះ ក៏មិនឱ្យភ្លាត់ដែរដោយបានថែម១គ្រាប់ទៀត នាំមុខក្នុងតង់ទី១ ដោយលទ្ធផល ២-១។

ចូលដល់តង់ទី២វិញ កម្ពុជានៅតែរក្សាការគ្រប់គ្រងបាល់ដដែល ព្យាយាមវាយសម្រុកក្រុមឡាវ រហូតទទួលបាន១គ្រាប់ទៀត នាំមុខ ៣-១។ លទ្ធផលនេះនៅមិនទាន់គ្រប់គ្រាន់សម្រាប់កម្ពុជានោះទេ ពោលគឺនៅជិតចប់ការប្រកួតកម្ពុជាបន្ថែមបាន១គ្រាប់ទៀត

ក្រុម U18 កម្ពុជាចប់ភារកិច្ចក្នុងពានរង្វាន់ខាងលើនេះហើយ ដោយធ្លាក់ក្នុងពូល ឆ្លងកាត់៥ប្រកួតឈ្នះបាន១ប្រកួត ស្មើ១ប្រកួត និងចាញ់៣ប្រកួត៕

អត្ថបទ៖ មុន្នីរម្យ