Zidane ថា Asensio ជាកីឡាករប្រើជើងឆ្វេងល្អបំផុតបន្ទាប់ពី Messi

2017-09-12 11:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករក្លឹបយក្សអេស្ប៉ាញ Real Madrid ខ្សែបម្រើ Marco Asensio ក្នុងថ្ងៃនេះបានបង្ហើបប្រាប់សារព័ត៌មានថាគ្រូបង្វឹករបស់ក្លឹបមួយនេះ លោក Zinedine Zidane បានប្រាប់ខ្លួនថាខ្លួនជាកីឡាករប្រើជើងឆ្វេងល្អបំផុតបន្ទាប់ពីខ្សែប្រយុទ្ធម្ចាស់ជើងឯកពាន Ballon D'or ៥សម័យ Lionel Messi។

Marco Asensi

កីឡាករវ័យ ២១ឆ្នាំរូបនេះ បានថ្លែងប្រាប់ COPE ថា៖ **“Zidane បានប្រាប់ខ្ញុំថា បន្ទាប់ពី Messi មក គាត់មិនដែលឃើញកីឡាករណាលេងជើងឆ្វេងណា ល្អដូចខ្ញុំទេ"។** ខ្សែបម្រើពាក់លេខ ២០រូបនេះបានបន្តទៀតក្នុងន័យសរសើរ Messi ថាកីឡាករឆ្នើមរបស់ក្លឹបអ្នកមានបុណ្យ Barcelona មួយនេះជាចំណែកមួយសំខាន់ក្នុងពិភពបាល់ទាត់។

Asensio បានបង្ហាញទម្រង់លេងយ៉ាងល្អ ក្នុងរដូវកាលថ្មីនេះ ដោយស៊ុតបញ្ចូលទីឲ្យក្លឹប Real Madrid បានចំនួន ៤គ្រាប់ ក្នុងការបង្ហាញខ្លួនចំនួន ៦ប្រកួត។ ចំណែកខ្សែប្រយុទ្ធវ័យ ៣០ឆ្នាំ Messi វិញ ក៏មានទម្រង់មិនធម្មតាដែរ ដោយបានជួយក្លឹបអ្នកមានបុណ្យ ឲ្យមិនទាន់ស្គាល់ភាពចាញ់នៅឡើយទេក្នុងលីគកំពូលអេស្ប៉ាញនាដើមរដូវកាលថ្មីនេះ។