Pogba៖ "ខ្ញុំនឹកភ្លេង Champions League ណាស់"
- 2017-09-12 12:15:00
- ចំនួនមតិ 0 | ចំនួនចែករំលែក 0
Pogba៖ "ខ្ញុំនឹកភ្លេង Champions League ណាស់"
ចន្លោះមិនឃើញ
កីឡាករឆ្នើមរបស់ក្លឹបបិសាចក្រហម Manchester United ខ្សែបម្រើកណ្ដាល Paul Pogba បាននិយាយក្នុងកិច្ចសម្ភាសន៍ផ្លូវការជាក្លឹបមួយនេះថា ខ្លួននឹកភ្លេងផ្លូវការរបស់ក្របខណ្ឌបាល់ទាត់កំពូលអឺរ៉ុប UEFA Champions League ណាស់។
ក្នុងកិច្ចសម្ភាសន៍នេះ កីឡាករសញ្ជាតិបារាំង Paul Pogba បានថ្លែងថា៖ **"និយាយតាមត្រង់ទៅ ខ្ញុំនឹកភ្លេងនេះ (ភ្លេងផ្លូវការរបស់ Champions League) ខ្ញុំនឹកវាខ្លាំងណាស់កាលពីរដូវកាលមុន"។** អតីតកីឡាករថ្លៃបំផុតក្នុងកំណត់ត្រាបាល់ទាត់ពិភពលោករូបនេះបានបន្តទៀតថា៖ "គ្រាន់តែលឺភ្លេងនេះវិញ វាបានជំរុញខ្ញុំឲ្យប្រឹងលេងឲ្យអស់ពីសមត្ថភាពរបស់ខ្ញុំ"។
ខ្សែបម្រើ Paul Pogba ខានលេងក្នុងក្របខណ្ឌបាល់ទាត់កំពូលអឺរ៉ុបមួយនេះ តាំងពីខែមីនា ឆ្នាំមុន នៅពេលក្លឹបយក្សអាល្លឺម៉ង់ Bayern Munich បានទម្លាក់ក្លឹបសេះបង្កង់ Juventus ក្នុងវគ្គ ១៦ក្រុម ដែលកាលនោះ Pogba ជាកីឡាកររបស់ក្លឹប Juventus នៅឡើយ មុនពេលធ្វើការផ្ទេរក្នុងមកក្លឹបបិសាចក្រហមក្នុងខែសីហា និងលេងក្នុងក្របខណ្ឌបាល់ទាត់កម្រិត២ Europa League កាលពីរដូវមុន។
ក្លឹប Manchester United នឹងបើកទ្វារស្វាគមន៍ក្រុមភ្ញៀវFC Baselក្នុងក្របខណ្ឌបាល់ទាត់ Champions League វេលាម៉ោង ១:៤៥ ពាក់កណ្ដាលអធ្រាត្រនេះ៕
ចុចអានបន្ត៖