"ឆ្នេរពយ" លាក់ខ្លូន បង្អួតសម្រស់មិនចាញ់ឆ្នេរឯទៀត
- 2017-09-14 07:22:52
- ចំនួនមតិ 0 | ចំនួនចែករំលែក 0
"ឆ្នេរពយ" លាក់ខ្លូន បង្អួតសម្រស់មិនចាញ់ឆ្នេរឯទៀត
ចន្លោះមិនឃើញ
“ពួយ" គឺឈ្មោះឆ្នេរមួយ ស្ថិតក្នុងភូមិពយជប៉ុន ឃុំកោះស្ដេច ស្រុកគិរីសាគរ ខេត្ដកោះកុង បានកំពុងលាក់ខ្លួន បង្អួតសម្រស់មិនចាញ់តំបន់ឆ្នេរដទៃឡើយ។
ថ្ងៃនេះ Sabay សូមណែនាំប្រិយមិត្តអ្នកអានឲ្យស្គាល់តំបន់ទេសចរណ៍ថ្មី មានសម្រស់ឆ្នេរឆ្ងាយដាច់កន្ទុយភ្នែក ហើយកាន់តែពិសេសទៀតនោះ គឺមានទីឋានស្ងប់ស្ងាត់ មានសម្លេងទឹករលកបក់តិចៗ និងមានផ្ទែទឹកថ្លាឈ្វេង ជាមួយនឹងឆ្នេរខ្សាច់សក្បុស លាយឡំនឹងសំបកគ្រំ ដើមដូងនៅតាមបណ្ដោយឆ្នេរ និងថ្មដុះធំៗក្នុងសមុទ្រថែមទៀត។
ប្រិយមិត្តអាចដំណើរកម្សាន្តជាលក្ខណៈក្រុមគ្រួសារ និងមិត្តភក្ដិ មកកាន់ទីនេះដើម្បីបរិភោគអាហារជួបជុំ នាថ្ងៃឈប់សម្រាក។ តាមប្រសាសន៍ អ្នកស្រី និងស្វាមីដែលជាអ្នកយាមឆ្នេរនេះ សូមមិនបញ្ចេញឈ្មោះ បានឲ្យដឹងថា ឆ្នេរពយនេះ ជារបស់ឯកជន ដែលគេគ្រោងនឹងអភិវឌ្ឍន៍ជាតំបន់រមណីយដ្ឋាននាពេលអនាគត។ តែអ្នកស្រីមិនដឹងពីពេលវេលាច្បាស់លាស់នោះទេ។
អ្នកស្រីបន្ថែមថា អ្នកដំណើរដែលមកដល់ទីនេះ អាចមកសម្រាកលេង ដោយចំណាយប្រាក់បន្តិចសម្រាប់ជួលកញ្ចុះអង្គុយលេង និងអាចកម្មង់ពីអាហារពីអ្នកស្រីបានផងដែរ។
គួរជម្រាបថា នៅតំបន់ឆ្នេរពយនេះ គឺស្ថិតឆ្ងាយពីទីក្រុង និងមិនមានផ្ទះសំណាក់ និងសណ្ឋាគារសម្រាកឡើយ៕