លីគកំពូលសប្ដាហ៍នេះ ទ័ពនៅតែធ្វើការធ្ងន់ដដែល ប៉ះបឹងកេត

2017-09-15 02:39:56
ចំនួនមតិ 0 | ចំនួនចែករំលែក 0

ចន្លោះមិនឃើញ

លីគកំពូលកម្ពុជា សប្ដាហ៍ទី១៦នេះ ក្រុមក្រសួងការពារជាតិនឹងត្រូវធ្វើការធ្ងន់បន្ថែមទៀត ដោយប៉ះជាមួយក្រុមខ្លាំងបឹងកេតាំ នៅថ្ងៃសៅរ៍ ទី១៦ នៅស្ដាតចាស់ វេលាម៉ោង៦ល្ងាចតទៅ។

ក្រសួងការពារជាតិ

កាលពីសប្ដាហ៍មុន ទ័ពបានបរាជ័យក្នុងដីខ្លួនឯងនេះម្ដងមកហើយ ដោយកាលនោះចាញ់ក្រុមណាហ្គាវើល ០-៣ ធ្លាក់មកចំណាត់ថ្នាក់ទី៤ក្នុងតារាងលីគកំពូល មាន២៧ពិន្ទុ។ ខណៈដែលសប្ដាហ៍នេះវិញ ពួកគេនឹងត្រូវប៉ះជាមួយក្រុមខ្លាំងមួយទៀត បឹងកេត ដែលកំពុងតែត្រូវការពិន្ទុដូចគ្នា ត្បិតអីពួកគេពេលនេះក៏មាន២៧ពិន្ទុផងដែរ ក្នុងតារាងឈរនៅចំណាត់ថ្នាក់លេខ៥។

ក្រុមបឹងកេត

ចំពោះការប៉ះគ្នាវិញ កាលពីជើងទី១កន្លងទៅនេះ ក្រុមបឹងកេតបានបរាជ័យក្នុងលទ្ធផល ០-៣ម្ដងមកហើយ ខណៈដែល ៤ប្រកួតចុងក្រោយនេះបឹងកេត ក៏មិនទាន់រកឃើញជ័យជម្នះលើទ័ពដែរ ទាំងក្នុងលីគនិង Cup ។ ដូច្នេះ សូមរង់ចាំមើលការប្រកួតដ៏ជក់ចិត្តនេះទាំងអស់គ្នា ថាតើនរណាជាអ្នកឈ្នះការប្រកួតមួយនេះ?

អត្ថបទ៖ មុន្នីរម្យ