តារាខ្មែរ៤រូប ទទួលកាដូ ពី ខៃ ប្រសិទ្ធ លើទឹកដីអូស្ត្រាលី

2017-09-15 04:34:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញនេះ តារាចម្រៀង ខេម កញ្ញា នៅ សូនីតា លោក អេឡិច ហ្សូរ៉ា និង កញ្ញា ឌី សូនីតា ដែលកំពុងតែមានវត្តមាននៅលើទឹកដីអូស្ត្រាលី ត្រូវបានអតីតតារាសម្ដែងជើងចាស់ លោក ខៃ ប្រសិទ្ធ ណាត់ញ៉ាំបាយជុំគ្នាមួយពេល។ មិនត្រឹមតែប៉ុណ្ណោះ លោក ខៃ ប្រសិទ្ធ បានឲ្យកាដូអនុស្សាវរីយ៍ដល់តារាទាំង៤រូបថែមទៀតផង នេះបើតាមការបង្ហើបពី កញ្ញា នៅ សូនីតា ប្រាប់ Sabay។

តារាចម្រៀង ខេម នៅ សូនីតា និង ខៃ ប្រសិទ្ធ

កញ្ញា នៅ សូនីតា បានរៀបរាប់ឲ្យដឹងថា ជំនួបនេះគឺបានធ្វើឡើងនៅរដ្ឋព្រីសេដិន ដែល លោក ខៃ ប្រសិទ្ធ រស់នៅតែម្ដង។ នាងថា ដោយសារតែលោក ខៃ ប្រសិទ្ធ ជាអ្នកសិល្បៈដូចគ្នា អ៊ីចឹងហើយគាត់តែងតែមានការនឹករលឹកអ្នកសិល្បៈ ក៏ដូចជាបងប្អូនខ្មែរជានិច្ច។ ពេលអ្នកសិល្បៈទៅច្រៀងនៅទឹកដីអូស្ត្រាលីម្ដងៗ គាត់ឧស្សាហ៍ទៅចូលរួមមិនសូវដាច់ឡើយ។ អ្វីដែលពិសេសនោះ នៅ សូនីតា ប្រាប់ថា លោក ខៃ ប្រសិទ្ធ ចូលចិត្តតារាចម្រៀងខេម ខ្លាំងណាស់។

កញ្ញា នៅ សូនីតា និង លោក ខៃ ប្រសិទ្ធ

ការជួបជុំគ្នានេះ ក្រៅពីមានតារាចម្រៀងទាំង៤រូប និងលោក ខៃ ប្រសិទ្ធ ក៏មានវត្តមានអ្នកនាង កឹម លីហ្សា ដែលបានចេញទៅរស់នៅទឹកដីអូស្ត្រាលីជាមួយស្វាមីដែរ។

ក្រៅញ៉ាំ បាយ តារាចម្រៀងទាំង៤រូបនេះ ត្រូវបានលោក ខៃ ប្រសិទ្ធិ បានជូនទឹកអប់ម្នាក់១ដបផងដែរទុកជាអនុស្សាវរីយ៍។ តារាចម្រៀងទាំង៤រូបខាងលើគ្រោងច្រៀងនៅ ទទឹកដីអូស្ត្រាលីរយៈពេល១ខែកន្លះ ដោយចេញដំណើរកាលពីថ្ងៃទី២៣ ខែ សីហា ឆ្នាំ ២០១៧៕