មាស ចាន់ណា៖ ណាហ្គាវើល មិនអាចមើលស្រាលអគ្គិសនីបានទេ
- 2017-09-15 07:05:50
- ចំនួនមតិ 0 | ចំនួនចែករំលែក 0
មាស ចាន់ណា៖ ណាហ្គាវើល មិនអាចមើលស្រាលអគ្គិសនីបានទេ
ចន្លោះមិនឃើញ
ក្រុមបាល់ទាត់ណាហ្គាវើលនឹងត្រូវប្រកួតជាមួយក្រុមអគ្គិសនីកម្ពុជា ក្នុងសប្ដាហ៍ទី១៦នៃលីគកំពូលកម្ពុជា នៅពហុកីឡដ្ឋានជាតិ នាថ្ងៃសៅរ៍ខាងមុខនេះ វេលាម៉ោង៦ល្ងាច។
កាលពីប៉ះគ្នាក្នុងជើងទី១កន្លងទៅនេះ ក្រុមណាហ្គាវើលបានយកឈ្នះម្ដងមកហើយក្នុងលទ្ធផល ៤-១ ហើយប៉ះគ្នាជាលើកទី២នេះ ក្រុមរបស់លោកមាស ចាន់ណា ក៏រំពឹងថាធ្វើបានល្អដើម្បីយក៣ពិន្ទុបន្ថែមទៀតដែរ ព្រោះថាកំពុងត្រូវការពិន្ទុជាចាំបាច់ដើម្បីប្រជែងក្រុមលេខ១ព្រះខ័នរាជស្វាយរៀង។
បង្ហោះនៅលើ Page ក្លឹបណាហ្គាវើល លោក មាស ចាន់ណា បាននិយាយដូច្នេះថាក្រុមទាំងមូលមិនអាចមើលស្រាលអគ្គិសនីបានទេ បើទោះជាពួកគេជាក្រុមថ្មីមែន ប៉ុន្តែកីឡាករសុទ្ធតែមានបទពិសោធ។ គ្រូបង្វឹករូបនេះ រំពឹងថាកូនក្រុមនឹងព្យាយាមលេងក្នុងប្រកួតនេះឱ្យបានល្អ ហើយព្យាយាមបង្កើតឱកាសដើម្បីយកជ័យជម្នះឱ្យបាន។
ក្រុមណាហ្គាវើលបច្ចុប្បន្នមាន២៩ពិន្ទុ កំពុងតែប្រដេញពិន្ទុជាក្រុមលេខ១ ព្រះខ័នរាជស្វាយរៀងដែលមាន៣៤ពិន្ទុក្នុងដៃ។ ខណៈដែលការប្រកួតលីគកំពូលកម្ពុជានេះ នៅពេលចប់រដូវកាលទៅ នឹងយកក្រុម Top4 មកប្រកួតគ្នាទៀត ពោលគឺលេខ៤ប៉ះលេខ៣ នរណាឈ្នះទៅប៉ះលេខ២ រូចយកក្រុមឈ្នះទៅវគ្គលេខ១ឈរកំពូលតារាងទៀត ទើបរកឃើញក្រុមជើងឯក។
សូមបញ្ជាក់ថាលោក មាស ចាន់ណា នឹងមានភារកិច្ចមួយទៀត គឺចូលរួមវគ្គបណ្ដុះបណ្ដាលគ្រូបង្វឹកបាល់ទាត់ឆ្នើមនៅប្រទេសជប៉ុន តាំងពីថ្ងៃទី ២២ ខែកញ្ញា រហូតដល់ថ្ងៃទី១តុលាឆ្នាំ២០១៧នេះ។