កន្លែងមើលទេសភាពបាតសមុទ្រអស្ចារ្យទាំង១០លើលោក ឃើញហើយចង់ទៅលេងភ្លាម
- 2017-09-19 23:30:00
- ចំនួនមតិ 0 | ចំនួនចែករំលែក 0
កន្លែងមើលទេសភាពបាតសមុទ្រអស្ចារ្យទាំង១០លើលោក ឃើញហើយចង់ទៅលេងភ្លាម
ចន្លោះមិនឃើញ
សមុទ្រជាតំបន់ទេសចរណ៍ដ៏ពេញនិយមបំផុតមួយលើលោកសម្រាប់ស្រូបយកខ្យល់អាកាសបរិសុទ្ធ សម្រាកដោយស្ងប់ស្ងាត់ ហែលទឹកលេង ជិះទូកកម្សាន្ត ដេកហាលថ្ងៃតាមឆ្នេរ ចុះមុជទឹកមើលទេសភាព ឬផ្កាថ្មក្រោមក្រោមសមុទ្រជាដើម។
តោះឥឡូវមកស្គាល់កន្លែងចុះមុជទឹកក្រោមសមុទ្រអស្ចារ្យបំផុតទាំង ១០ នៅជុំវិញពិភពលោកដូចខាងក្រោម៖
១. កោះម៉ាល់ឌីវ៖ ជាកន្លែងក្រេបទឹកឃ្មុំដ៏ពេញនិយមសម្រាប់ប្ដីប្រពន្ធថ្មីថ្មោង។ នៅទីនេះមានឆ្នេរខ្សាច់ពណ៌សល្អ ថ្មប៉ប្រះទឹក ទឹកថ្លាឈ្វេង និងមានទេសភាពបាតសមុទ្រគួរឲ្យទាក់ទាញ។
២. ឆ្នេរ Oslob ប្រទេសហ្វីលីពីន៖ Oslob ជាទីក្រុងឆ្នេរដែលអ្នកទេសចរអាចហែលទឹកលេងជាមួយត្រីបាឡែន
៣. កោះ Coron ប្រទេសហ្វីលីពីន៖ ស្ថិតនៅខេត្ត Palawan ដែលអ្នកទេសចរអាចទៅមើលបំណែកកប៉ាល់ជប៉ុនកាលសង្គ្រាមលោកលើកទីពីរ
៤. កោះ Cocos Islands ប្រទេសអូស្ត្រាលី៖ នៅទីនេះជាកន្លែងមុជទឹកដ៏អស្ចារ្យជាមួយហ្វូងត្រីឆ្លាមក្បាលញញួរ (ត្រីស្លូត)
៥. ថ្មប៉ប្រះទឹក Great Barrier Reef ប្រទេសអូស្ត្រាលី៖ នៅទីនេះមានប្រព័ន្ធផ្កាថ្មលាតសន្ធឹកធំជាងគេបំផុតប្រមាណ ២ ៣០០គីឡូម៉ែត្រ។
៦. កោះ Sipadan ប្រទេសម៉ាឡេស៊ី៖ នៅទីនេះសម្បូរទៅដោយកន្ធាយបៃតង កន្ធាយ Hawksbill និងត្រីខ្លួនវែង Barracuda។
៧. កោះ Palau នៅកណ្ដាលមហាសមុទ្រប៉ាស៊ីហ្វិក៖ នៅក្បែរកោះនេះមានសត្វខ្ញែរសមុទ្រពណ៌មាសជាច្រើន ហើយវាតែងតែហែលជុំវិញអ្នកមុជទឹក
៨. ឆកសមុទ្រ Hanauma Bay នៅកោះហាវ៉ៃ៖ នៅទីនេះជាកន្លែងមុជទឹកដ៏ពេញនិយម មានរលកតូចៗ ផ្កាថ្ម និងមានត្រី Tropical fish យ៉ាងច្រើន
៩. Red Sea នៅអេហ្ស៊ីប៖ មានផ្កាថ្មីពណ៌សស្អាត និងត្រីជាច្រើនប្រភេទ
១០. រណ្ដៅខៀវ Great Blue Hole ប្រទេសបេលី៖ មានត្រីកម្រៗឃើញជាច្រើនប្រភេទរស់នៅទីនេះជាមួយទឹកថ្លាឈ្វេង៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
