One Championship៖ ថៃ រិទ្ធី បានតម្លៃខ្លួនដោយមិនឈឺសាច់ ព្រោះដៃគូដកខ្លួន

2017-09-15 08:13:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ចូលរួមសោកស្ដាយកីឡាករកម្ពុជា ថៃ រិទ្ធី ដែលមិនបានប្រកួតនៅក្នុងកម្មវិធី One Championship នៅទេ ព្រោះដៃគូដែលជាជនជាតិឥណ្ឌូណេស៊ីមានបញ្ញាសុខភាពមិនអាចឡើងប្រកួតបាននោះទេ។

លោកគ្រូ ហ៊ុន ចាន់រាជ

លោក ហ៊ុន ចាន់រាជ ដែលជាគ្រូបង្វឹកក្លឹប Cambodian Top Team និងជាគ្រូរបស់កីឡាករ ថៃ រិទ្ធី បានឲ្យដឹងមុននេះថា ខាងអ្នករៀបចំកម្មវិធី One Championship បានឲ្យដំណឹងមកលោកថា សម្រាប់កីឡាករ ថៃ រិទ្ធី នឹងត្រូវផ្អាកការឡើងប្រកួតវិញព្រោះដៃគូមានបញ្ញាសុខភាព ហើយសុំដកខ្លួនចេញពីការប្រកួតហើយ។ គ្រូប្រដាល់ខាងលើបន្ថែមទៀតថា រិទ្ធី មិនបានឡើងប្រកួតមែនតែ One Championship នៅតែឲ្យតម្លៃខ្លួនដដែល ហើយអាចនឹងឡើងប្រកួតនៅកម្មវិធីក្រោយៗទៀត។

ថៃ រិទ្ធី

ថៃ រិទ្ធី ក៏បានឲ្យដឹងខ្លះៗដែរថា ពេលបានដំណឹងថាលុបការប្រកួតចោលដូចនេះ គេមានការសោកស្ដាយជាខ្លាំង ព្រោះខំប្រឹងហ្វឹកត្រៀមជាច្រើនថ្ងៃមកហើយ ប៉ុន្តែបែរជាមិនបានឡើងប្រកួតវិញ ប៉ុន្តែឮព័ត៌មានថាអាចឡើងប្រកួតនៅពេលក្រោយទៀត ប្រហែលជានៅប្រទេសហ្វីលីពីន។

កីឡាករកម្ពុជាទាំង៣រូប

បើតាមគ្រោងនោះកីឡាករកម្ពុជា ថៃ រិទ្ធី នឹងត្រូវប្រកួតក្បាច់គុនចម្រុះជាមួយកីឡាករម្ចាស់ផ្ទះឥណ្ឌូណេស៊ី ឈ្មោះ SUNOTO នាកម្មវិធី One Championship ថ្ងៃទី១៦ កញ្ញា ២០១៧ ឯប្រទេសឥណ្ឌូណេស៊ី៕

អត្ថបទ៖ នួន ស៊ីណា